«Гулдастаи ғазал»-и шоири тоҷик Камоли Хуҷандӣ дар Тошканд интишор гардид
ДУШАНБЕ, 18.02.2019. /АМИТ «Ховар»/. Нашриёти «Ноширлик ёғдуси»-и шаҳри Тошканди Ҷумҳурии Ӯзбекистон маҷмӯи ғазалҳои шоири номвари тоҷик Камоли Хуҷандиро таҳти унвони «Гулдастаи ғазал» интишор ва дастраси ҳаводорони шеъри ноб гардонид. «Гулдастаи ғазал» ҳосили ҳамкории илмиву фарҳангии халқҳои ба ҳам дӯсти Тоҷикистону Ӯзбекистон арзёбӣ мегардад. Дар ин бора рӯзномаи вилоятии «Ҳақиқати Суғд» иттилоъ медиҳад.
Ба иттилои манбаъ, маҷмӯаро Шӯҳрат Бобоҷонов омода сохта, ба он ғазалҳои дилнишини шоири хушгуфтор Камоли Хуҷандӣ шомил гардидаанд.
Мавриди зикр аст, ки чанде пеш дар шаҳри Тошканд шаби эҷодии ориф ва шоири тоҷики садаи XIV Камоли Хуҷандӣ баргузор гардид. Тавре Агентии миллии иттилоотии Ӯзбекистон «УзА» хабар медиҳад, барнома дар Кумитаи муносибатҳои байни миллатҳо ва робитаҳои дӯстӣ бо кишварҳои хориҷии назди Девони вазирони Ҷумҳурии Ӯзбекистон доир карда шуд.
«Камоли Хуҷандӣ дар шаҳри Хуҷанд дида ба ҷаҳон кушодааст. Ҷавониаш дар зодгоҳаш гузашта, маълумоти ибтидоиро низ дар он ҷо омӯхта, сипас таҳсилро дар шаҳри Самарқанд идома додааст. Шайх Камол чанд муддат дар Тошканд зиндагӣ карда, сипас ба Хоразм сафар мекунад. Дар ин ҷо чанд моҳ зиндагӣ карда, ба хулоса меояд, ки хонаи муқаддаси Каъбаро зиёрат кунад. Камоли Хуҷандӣ пас аз сафари ҳаҷ дар шаҳри Табрез монда, дигар ба зодгоҳаш барнагашт»,-навиштааст Агентии «УзА».
Дар шаби эҷодӣ аз ашъори ин нобиға ғазалҳо қироат ва сароида шуданд, ки ба ҳусни он шукӯҳи хосса зам намуданд. Ҳамоиш таҳти шиори «Назм-сафири дӯстӣ» доир гардида, ба 700-солагии шоир бахшида шуд.
Дар Душанбе намоиши асарҳои муҷассамавии Рассоми халқии Тоҷикистон доир гардид
Дар Осорхонаи миллии Тоҷикистон беш аз 800 бозёфти нодири таърихӣ ба намоиш гузошта шудааст
РӮЗИ БУЗУРГДОШТИ САЪДИИ ШЕРОЗӢ. Осори безаволи шоир дар тарбияи ахлоқӣ ва маънавии ҷомеа нақши муҳим дорад
Доир ба иҷрои барномаҳои давлатии соҳаи маориф дар ноҳияи Рашт ҷаласа баргузор гардид
Филми ҳунарии «Моҳӣ дар шаст» дар кинофестивали 48-уми байналмилалии Москва намоиш дода шуд
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
«ТОҶИКИСТОН — ВАТАНИ АЗИЗИ МАН». Дар Донишгоҳи давлатии ҳуқуқ, бизнес ва сиёсати Тоҷикистон даври донишгоҳии озмун доир шуд
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
Дар шаҳри Ҳисор маҳфил-озмунҳои «Тоҷикистони ман!» ва «Шоҳномахонӣ» оғоз гардиданд
