Бахшида ба 1040-солагии Абӯалӣ ибни Сино китоби «Бӯалӣ ва гиёҳдармонии амрози санги гурда» рӯйи нашр омад

Март 12, 2019 16:14

ДУШАНБЕ, 12.03.2019. /АМИТ «Ховар»/.  Бахшида ба 1040-солагии зодрӯзи Абӯалӣ ибни Сино нашри китоби шашуми тоҷикии  «Бӯалӣ ва гиёҳдармонии амрози санги гурда» бо тағйиру иловаҳо ба нашр расид. 

Муаллифони китоб духтури дорушинос, доктори илмҳои тиб, профессор, академики  Академияи байналмилалии  муҳандисӣ  Юсуф Нуралиев  ва пизишки амалӣ, номзади илмҳои тиб, Корманди шоистаи  Тоҷикистон, Аълочии тандурустии Ҷумҳурии Тоҷикистон  Саидҷон Нодирӣ дар ин китоб таҷрибаҳои табиби бузург Абӯалӣ ибни Синоро гирд овардаанд.

Муллифон 11 адад нусхаи мураккаб ва беш аз 100 нусхаи содаи   Абӯалӣ ибни Синоро, ки барои ҷилавгирӣ ва табобати бемориҳо, қабл аз ҳама,  амрози гурдаву санги  масона пешбинӣ шудаанд, шарҳ медиҳанд. Рисола ҳамчунин тавсияҳои Абӯалӣ ибни Синоро роҷеъ ба парҳез ва ҷилавгирӣ аз пайдоиши санги гурда ва дигар бемориҳои гурда дар бар мегирад. Тақрибан теъдоди 40 номгӯй гиёҳҳои шифобахш аз хазинаи Абӯалӣ ибни Сино аз мавқеи тибби муосир тафсир гардида, нусхаҳои  гиёҳдармонӣ  барои табобати бемориҳои мухталиф оварда шудаанд.

Тавре дар суҳбат ба мухбири АМИТ «Ховар» Саидҷон Нодирӣ иброз намуд, тамоми нусхаҳо аз диди комёбиҳои гиёҳдармонии муосир тавзеҳ гардида, тарзи таҳия ва меъёри истеъмоли доруҳо  пурра  баён карда шудааст, то худи беморон дар шароити хона доруи заруриро омода карда, истифода намоянд. Рисола барои пизишкон, мутахассисон, донишҷӯёни донишгоҳҳои  тиббӣ ва оммаи васеи хонандагон пешбинӣ шудааст.

«Мо дар  китоб фақат  гулу гиёҳ ва доруҳоеро, ки Абӯалӣ ибни Сино ба шакли хеле кӯтоҳ ва фишурда дар «Ал-Қонун»  ва дигар асарҳои тиббиаш барои пешгирӣ ва табобати санги гурда  тавсия кардааст, тибқи талабот  ва таҷрибаи тибби муосир ба тарзи васеъ ва оммафаҳм дастраси хонандагон  намудем»,- зикр намуд С.Нодирӣ.

Бояд гуфт, ки Саидҷон Нодирӣ аз айёми  наврасӣ то имрӯз пайваста осори илмиву  адабии Шайхурраис Абӯалӣ ибни Синоро меомӯзад ва яке аз муҳаққиқони  барҷастаи осори  оламшумули ӯст.

Саидҷон Нодирӣ муаллифи 25 китоб ва 300 мақолаи илмиву оммавӣ буда, ба муолиҷаи  гипнозӣ, сӯзанзанӣ, гиёҳдармонӣ ва мануалӣ шуғл дорад. Бори аввал  дар собиқ Иттиҳоди Шӯравӣ ҷарроҳии мураккабро таҳти гипноз  анҷом додааст. Бемориҳои  асабу дил ва дигар бемориҳои силу диққи нафас, бемориҳои санги гурда, инчунин бемориҳои дигарро, ки табобати онҳо бо усулҳои  тибби имрӯза  ғайриимкон аст, табобат мекунад.

Мавсуф узви Ҷамъияти психотерапевтҳо  ва Ҷамъияти экстрасенсҳои  ИДМ, ҳамчунин аъзои Иттифоқи журналистони Ҷумҳурии Тоҷикистон мебошад.

Ибодат ДАВЛАТЗОДА,
АМИТ «Ховар»

Март 12, 2019 16:14

Хабарҳои дигари ин бахш

Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд