Намояндагони Осорхонаи миллии Тоҷикистон Осорхонаи миллии адабиёти Озарбойҷонро тамошо карданд
ДУШАНБЕ, 30.10.2025 /АМИТ «Ховар»/. Дар доираи сафари корӣ ба Ҷумҳурии Озарбойҷон, намояндагони Осорхонаи миллии Тоҷикистон ба тамошои Осорхонаи миллии адабиёти Ҷумҳурии Озарбойҷон ба номи Низомии Ганҷавӣ рафта, бо осори адибони Озарбойҷон аз наздик шинос шуданд, иттилоъ медиҳад АМИТ «Ховар» бо истинод ба Осорхонаи миллии Тоҷикистон.
Меҳмононро муовини раиси Маҷлиси миллии Ҷумҳурии Озарбойҷон, директори Осорхонаи миллии адабиёти Озарбойҷон ба номи Низомии Ганҷавӣ, академик Рафаэл Ҳусейнов истиқбол намуд. Академик Рафаэл Ҳусейнов зимни мулоқот роҷеъ ба равобити таърихӣ ва фарҳангии ду кишвар изҳори назар намуда, таъкид дошт, ки дӯстии мардумони Тоҷикистон ва Озарбойҷон решаҳои амиқи таърихӣ доранд.
Ҳамзамон дар ҷараёни вохӯрӣ ҷонибҳо масоили муҳимми соҳаи осорхонашиносӣ, аз ҷумла таҳқиқ ва омӯзиши мероси таърихию фарҳангӣ, ташкили намоишҳои муваққатӣ, тармиму таҳкими осори таърихӣ, ташкили давраҳои бозомӯзии кормандони осорхонаҳои ҳарду кишвар ва густариши робитаҳои касбиро мавриди баррасӣ қарор доданд.
Инчунин барои намояндагони Осорхонаи миллии Тоҷикистон бо забони тоҷикӣ дар толорҳои Осорхонаи миллии адабиёти Озарбойҷон сайри осорхонавӣ ташкил гардид. Дар ҷараёни сайри осорхонавӣ ҳайати Осорхонаи миллии Тоҷикистон бо намунаҳои гуногуни мероси таърихию фарҳангии ин кишвар, аз қабили нусхаҳои дастнавис, китобҳои чопи сангӣ, мусаввараҳо, пайкараҳо, қолинҳо, минётураҳо ва дигар осори илмиву адабии адибону олимони маъруфи Озарбойҷон шинос шуданд.
АКС: Осорхонаи миллии Тоҷикистон
Дар Теҳрон китоби «Бо корвони «Шоҳнома»: аз Тӯс то Душанбе» ба нашр расид
35-СОЛАГИИ ИСТИҚЛОЛИ ДАВЛАТӢ. Кинотеатри «Ватан» навсозӣ ва бо технологияи муосири намоиши филмҳо муҷаҳҳаз гардонида шуд
Рӯзи фарҳанги вилояти Хатлон бо шукуҳу шаҳомати хос баргузор гардид
Таҳти унвони «Нақши китобхонаҳои шахсӣ дар рушди китобдории миллати тоҷик дар замони ҷаҳонишавӣ» ҳамоиш доир шуд
Пагоҳ дар Душанбе Рӯзи фарҳанги вилояти Хатлон баргузор мешавад
Соли 2027 дар Тоҷикистон Рӯзҳои фарҳанги Покистон баргузор мегарданд
«АЗ СУЛҲИ ТОҶИКОН ТО СУЛҲИ ҶАҲОН». Таҳти чунин унвон дар Душанбе конфронси илмӣ-амалӣ доир шуд
«Барномаи рушди мактабҳои бачагонаи мусиқӣ, рассомӣ, санъат ва мактаб-интернатҳои миёнаи махсуси ҷумҳуриявии мусиқӣ ва санъат дар Ҷумҳурии Тоҷикистон барои солҳои 2027-2031» қабул гардид
Аз ҳудуди ноҳияи Данғара ёдгории нодири меъмории мансуб ба асрҳои IX–XII ёфт гардид
Дар Душанбе бахшида ба 35-солагии Истиқлолияти давлатӣ ҳамоиши тантанавӣ баргузор гардид
29 август дар Душанбе Рӯзи фарҳанги вилояти Хатлон баргузор мешавад
«ЯК МЕРОС, ДУ САРЗАМИН». Намоишгоҳи муштараки маҷозии Тоҷикистон ва Эрон ифтитоҳ ёфт
