Дар ҷамоатҳои шаҳраку деҳоти Ҳисор «Корвони саломатӣ» ба сокинон хизмати ройгон расонид

Март 18, 2019 15:18

ҲИСОР, 18.03.2019 /АМИТ «Ховар»/. «Корвони саломатӣ» –и соҳаи тандурустии шаҳри Ҳисор зери шиори «Солимии модар ва кӯдак дар деҳот» бо иштироки зиёда аз 12 нафар мутахассисони ботаҷриба бо дастгоҳҳои  замонавии тиббӣ  ба сокинони  ҷамоати деҳоти Мирзо Ризои шаҳр хизмати ройгони тиббӣ расонид.

Тибқи иттилои  роҳбари муассисаҳои кумаки аввалини тиббӣ дар шаҳри Ҳисор  Анвар Азамов, «Корвони саломатӣ» дар марказҳои саломатии 12 ҷамоати шаҳраку деҳоти шаҳр мувофиқи нақша ба аҳолӣ хизмати тиббӣ расонид.

Корвони саломатӣ бо мақсади пешгирии беморшавии аҳолӣ ва баланд бардоштани фарҳанги тиббии ҷомеа дар доираи татбиқи ҳадафҳои бунёдии «Дурнамои пешгирӣ ва назорати бемориҳои ғайри сироятӣ ва осеббардорӣ дар Ҷумҳурии Тоҷикистон барои солҳои 2013-2023 гузаронида шуд.

Ҳамчунин зикр шуд, ки сафари мутахассисони ботаҷриба ба ҷамоатҳои шаҳраку деҳоти шаҳр имконият медиҳад, ки сокинон аз маҳалли худ берун нарафта, ташхису машварат гиранд.

Анвар Азамов мегӯяд, ки дар асоси дастуру супоришҳои Ҳукумати Ҷумҳурии Тоҷикистон  соли 2018 бо маблағи 43 540 сомонӣ ба маъюбону оилаҳои камбизоат ва  25 нафар беморони гемофилия ба таври ройгон хизмати тиббӣ расонида шуд.

Ҳамчунин соли сипаригардида КАТС-и шаҳри Ҳисор барои сари вақт расонидани кумаки аввалини тиббӣ   бунгоҳҳои тиббию марказҳои саломатии деҳотро бо 95 105 сомонӣ  маводи доруворӣ таъмин намуд.  Соли 2019 барои таъмини амнияти саломатии сокинони шаҳр ва расонидани кумакҳои аввалини тиббию табобатии беморони гемофилия 221 ҳазор сомонӣ пешбинӣ гардидааст.

Март 18, 2019 15:18

Хабарҳои дигари ин бахш

Дар доираи «Барномаи омодасозии мутахассисон аз ҳисоби ҷавонон барои соҳаҳои иқтисодиёт» беш аз 41 ҳазор нафар бо ҷойи кор таъмин гардид
Дар Вазорати адлияи Тоҷикистон бахшида ба Рӯзи Парчами давлатӣ ҳамоиши илмӣ доир шуд
Дар шаш муассисаи тиббии шаҳри Душанбе барномаи рақамии «eTib» фаъол гардид
Вазири меҳнат, муҳоҷират ва шуғли аҳолии Тоҷикистон дар Конфронси Вена оид ба муҳоҷират иштирок намуд
Дар Душанбе бахшида ба татбиқи Ёддошти тафоҳум дар соҳаи тандурустӣ байни Тоҷикистон ва Амрико чорабинӣ баргузор шуд
Барномаи ҳамкорӣ байни Хадамоти иҷрои Тоҷикистон ва Бюрои иҷрои маҷбурии Узбекистон ба имзо расид
Конгресси байналмилалии «Инсон ва дору» баргузор гардид
Пешгирии бемориҳои сироятӣ масъулияти ҳар шаҳрванд аст
Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид