Дар ноҳияи Панҷ Шӯрои ҷамъиятӣ ва Маркази ҳамкории милитсия бо ҷомеа таъсис ёфтанд
ДУШАНБЕ, 12.03.2019. /АМИТ «Ховар»/. Дар ноҳияи Панҷ дар назди шуъбаи Вазорати корҳои дохилӣ Шӯрои ҷамъиятӣ оид ба мусоидати ҷомеаи шаҳрвандӣ дар таъмини тартиботи ҷамъиятӣ ва дар Ҷамоати деҳоти Кабуд Сайфиддинов Маркази ҳамкории милитсия бо ҷомеа ифтитоҳ гардиданд.
Тавре аз Вазорати корҳои дохилӣ ба мухбири АМИТ «Ховар» хабар доданд, дар ин маросим муовини Вазири корҳои дохилӣ Икром Умарзода, Раиси ноҳияи Панҷ Маҳмадюнус Сайфуддинзода, ҳамоҳангсози миллӣ оид ба ислоҳоти милитсияи ВКД Фарҳод Шодмонзода, сардори ШВКД дар ноҳияи Панҷ Шамсулло Маҳмудзода, намояндаи Сафорати ИМА дар Ҷумҳурии Тоҷикистон Ҷон Додли, намояндагони ташкилоти байналмилалии «Дунёи бехатар», ташкилоти ҷамъиятии «Заршедабону», аъзои Шӯрои ҷамъиятӣ ва аҳли ҷомеа иштирок намуданд.
Муовини Вазири корҳои дохилӣ Икром Умарзода дар хусуси ҳамкории милитсия бо ҷомеаи шаҳрвандӣ дар самти таъмини тартиботи ҷамъиятӣ зикр кард, ки ҷиҳати амалисозии «Стратегияи ислоҳоти милитсия барои солҳои 2013-2020 ва «Барномаи ислоҳоти (рушди) милитсия барои солҳои 2014-2020» мақомоти корҳои дохилӣ ба натиҷаҳои мусбат ноил гардидааст. «Таъмини шароити мусоид ба кормандон, техникаву таҷҳизоти муосир, таъсиси марказҳои ҳамкории милитсия бо ҷомеа, Шӯроҳои ҷамъиятӣ ва ворид намудани баъзе дигаргуниҳо дар сохтори мақомоти корҳои дохилӣ аз зумраи он иқдомоти ҷадиде мебошанд, ки ба рушди ислоҳот мусоидат менамоянд»,-иброз дошт ӯ.
Мавсуф ҳамчунин доир ба Шӯрои ҷамъиятӣ оид ба мусоидати ҷомеаи шаҳрвандӣ дар таъмини тартиботи ҷамъиятӣ дар назди ШВКД дар ноҳияи Панҷ ибрози андеша намуда, гуфт, ки фаъолияти Шӯрои мазкур дар доираи Стратегия ва Барномаи ислоҳоти милитсия равона гардида, баҳри тақвият додани механизми ҳамкории милитсия бо ҷомеа, ки маҳаки асосии ислоҳоти милитсия маҳсуб меёбад, мусоидат менамояд.
Ба иттилои манбаъ, зимни вохӯрӣ зикр карда шуд, ки ҳадаф аз татбиқи ислоҳоти милитсия- ин ҳамкории боз ҳам наздик бо аҳолӣ, афзудани эътимоду боварии халқ ба ин ниҳоди калидӣ, таъмини шаффофият дар фаъолият ва муборизаи дастаҷамъона бо ҷинояткорӣ мебошад.
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
