Дастаи мунтахаби олимпии Тоҷикистон ба Аморати Муттаҳидаи Араб сафар кард

ДУШАНБЕ, 06.03.2018. /АМИТ «Ховар»/. Имрӯз дастаи мунтахаби олимпии Тоҷикистон дар доираи омодагӣ ба бозиҳои интихобии Чемпионати Осиё-2020  ба шаҳри Дубайи Амороти Муттаҳидаи Араб сафар кард. Дар ин сафар  олимпичиёни мо бо дастаи мунтахаби олимпии  АМА ду бозии дӯстона ва таҷрибавӣ барпо мекунанд.

Сармураббии дастаи мунтахаби олимпии  Тоҷикистон Усмон Тошев 22 бозингарро бо худ бурд, ки ба ҳайат  2 дарвозабон, 8 муҳофизатгар, 9 нимҳимоятгар ва се ҳамлагар шомил мебошанд.  8-11 март гузаронидани ду вохӯрии дӯстона ва таҷирибавӣ дар назар аст.

Ёдовар мешавем, ки дастаи мунтахаби оимпии Тоҷикистон дар бозиҳои интихобии Чемпионати Осиё, ки  аз 22 то 26 марти соли равон  дар шаҳри Тошканди Ҷумҳурии Ӯзбекистон баргузор мегарданд, дар гурӯҳи «F» иштирок мекунад. Даста бо дастаҳои мунтахаби Ӯзбекистон, Ҳиндустон ва Покистон барои роҳхат ба бозиҳои финалӣ мубориза мебарад.

Ҳайати дастаи мунтахабии олимпии Тоҷикистон барои вохӯриҳои таҷрибавӣ бо дастаи мунтахаби АМА чунин аст:

Дарвозабонҳо: Шоҳрух Қирғизбоев («Барқчӣ»), Фатҳулло Бобоев («Регар-ТадАЗ»);

Муҳофизатгарон: Алишер Холмуродов («Регар-ТадАЗ»), Табрези Давлатмир («Истиқлол»), Оятулло Сафаров, Доробҷон Эргашев, Манучеҳр Сафаров (ҳама аз КМВА «Помир»), Ҳусейн Нурматов, Алишер Баротов (ҳар ду  «Хатлон»), Зоир Ҷӯрабоев («Металлург», Ӯзбекистон);

Ниҳимоятгарон: Эҳсони Панҷшанбе, Муҳаммадҷон Раҳимов (ҳар ду аз «Истиқлол»), Кароматулло Саидов («Хатлон»), Сорбон Авғонов («Панҷшер»), Шервонӣ Мабатшоев, Далер Ёдгоров, Шарафҷон Солеҳов (ҳам аз КМВА  «Помир»), Отабек Каримов («Истаравшан»), Саидмухтор Азимов («Барқчӣ»);

Ҳамлагарон: Шериддин Бобоев («Истиқлол»), Амирҷон Сафаров («Регар-ТадАЗ»), Тоҳир Малодустов («Барқчӣ»).