ИМРӮЗ – РӮЗИ УМУМИҶАҲОНИИ ЗАХИРАҲОИ ОБ. Дар шаҳри Хуҷанд дар мавзӯи «Об -маъною маъвои зиндагист» ҳамоиш доир гардид
ХУҶАНД, 22.03.2019. /АМИТ «Ховар»/. Дар Донишгоҳи давлатии Хуҷанд ба номи академик Бобоҷон Ғафуров бахшида ба Рӯзи умумиҷаҳонии об, ки ҳамасола 22 март таҷлил мегардад ва ҷиҳати аз ҷониби СММ қабул гардидани Даҳсолаи байналмилалии амал «Об барои рушди устувор», барои солҳои 2018-2028, бо ибтикори Раёсати ҳифзи муҳити зисти вилояти Суғд конфронси илмӣ-назариявӣ доир гардид.
Ба иттилои хабарнигори АМИТ «Ховар», дар ҳамоиш устодону донишҷӯёни Донишгоҳи давлатии Хуҷанд, Донишгоҳи давлатии ҳуқуқ, бизнес ва сиёсати Тоҷикистон, намояндагон аз раёсати ҳифзи муҳити зисти вилояти Суғд ва бахшҳои он аз шаҳрҳои Хуҷанд, Бӯстон, Гулистон, Раёсати беҳдошти замин ва обёрӣ, Маркази назорати давлатии санитарӣ-эпидемиологии вилоят ва намояндагони воситаҳои ахбори омма иштирок доштанд.
Дар кори ҳамоиш аз ҷониби иштирокдорон маърӯзаҳо оид ба мавзӯъҳои манбаъҳои асосии таъминоти оби полезӣ дар вилояти Суғд, ҳолати санитарии иншооти обтаъминкунии вилоят, сарватҳои об ва мушкилоти истифодаи он дар вилоят, обтаъминкунии табиӣ ва ҷабҳаҳои истифодаи оқилонаи сарватҳои обии Тоҷикистони Шимолӣ ва имкониятҳои истифодаи захираҳои гидроэнергетикии Тоҷикистон шунида шуданд.
Инчунин маърӯзачиён бо пуштибонӣ аз иқдоми навбатии Сарвари давлат Эмомалӣ Раҳмон оид ба қабули Қатъномаи мазкур, ки 21 декабри соли 2016 дар Маҷмаи Умумии Созмони Милали Муттаҳид сурат гирифт, онро чун ифтихори тоҷикистониён арзёбӣ намуданд. Онҳо ба иштирокдорони ҳамоиш муҳимияти ташаббусҳои обии Тоҷикистонро барои ҷаҳониён шарҳ доданд.
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
