Президенти Федератсияи футболи Тоҷикистон Рустами Эмомалӣ узви Кумитаи иҷроияи Шӯрои олимпии Осиё интихоб гардид
ДУШАНБЕ, 04.03.2019 /АМИТ «Ховар»/. Президенти Федератсияи футболи Тоҷикистон Рустами Эмомалӣ узви Кумитаи иҷроияи Шӯрои Олимпии Осиё (Olympic Council of Asia) интихоб гардид.
Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.
Дар пойтахти шоҳигарии Таиланд- шаҳри Бангкок 38-умин ҷаласаи Ассамблеяи генералии Шӯрои олимпии Осиё баргузор гардид, ки дар баробари шунидани ҳисоботи масъулин оид ба фаъолият дар давраи ҳисоботӣ яке аз масъалаҳои муҳими Ассамблея- ин интихоби Президент, муовинони ӯ ва ҳайати нави Кумитаи иҷроияи Шӯрои олимпии Осиё ба ҳисоб мерафт. Шайх Аҳмад Ал-Фаҳад Ал-Сабоҳ, ки то кунун вазифаи Президенти Шӯрои олимпии Осиёро ба уҳда дошт, ба муҳлати нав то анҷоми давраи солҳои 2019-2023 интихоб гардид.
Президенти Федератсияи футболи Тоҷикистон Рустами Эмомалӣ ба ҳайати нави Кумитаи иҷроияи Шӯрои олимпии Осиё (Olympic Council of Asia) ворид гардид. То ин муддат Рустами Эмомалӣ узви Кумитаи муносибатҳои байналмилалии Шӯрои олимпии Осиё ба ҳисоб мерафт.
Ҷумҳурии Тоҷикистонро дар ҷаласаи мазкур муовини Президенти Кумитаи миллии олимпӣ Аҳтам Абдуллозода ва котиби генералии Кумита Муҳаммадшо Абдуллозода намояндагӣ намуданд.
Хотирнишон бояд намуд, ки Шӯрои олимпии Осиё бо намояндагии 45 кишвари қораи Осиё бо мақсади рушди Ҳаракати олимпӣ ва баргузории мусобиқаҳои сатҳи баланди варзишӣ таъсис дода шудааст.
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
