Табибони тоҷик — дар сафи пеши мусобиқа оид ба футбол миёни давлатҳои ИДМ
ДУШАНБЕ, 30.03.2019. /АМИТ «Ховар»/. Аз 24 то 30 марти соли 2019 дар шаҳри Тошканди Ҷумҳурии Ӯзбекистон мусобиқаи байналмилалии футбол миёни дастаҳои давлатҳои Иттиҳоди давлатҳои Мустақил барои дарёфти Ҷоми «Дӯстӣ» сурат гирифт.
Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд, мусобиқаи мазкур миёни табибони дастаҳои 9 давлати Иттиҳоди Давлатҳои Мустақил баргузор гардид. Ҳайати дастаи Тоҷикистон низ дар ин мусобиқаи бонуфуз ширкат дорад.
«Дастаи табибони Тоҷикистон бо дастгирии Федератсияи футболи Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақсади иштирок дар ин мусобиқаи сатҳи баланди байналмилалӣ омодагии худро дар ҳайати 24 нафар муддати як моҳ др беҳтарин шароити мусоид доир намуда буд. Ин омодагӣ ба дастаи Тоҷикистон имконият дод, ки ба финали мусобиқа роҳхат пайдо намояд», – хабар медиҳад манбаъ.
Дирӯз дар бозиҳои нимниҳоӣ дастаи табибони тоҷик бо ҳисоби 4:1 дастаи табибони Қазоқистонро шикаст дода, ба финали мусобиқа роҳхат гирифт. Дар ин мусобиқаи бонуфуз дастаи табибони тоҷик беҳтарин бозӣ нишон дода, имтиёзҳои бештарро соҳиб гардиданд.
Ёдовар мешавем, ки имрӯз, 30 марти соли равон, соати 14:00 дар варзишгоҳи марказии шаҳри Тошканд бозии финалии мусобиқаи байналмилалӣ барои дарёфти Ҷоми «Дӯстӣ» миёни дастаҳои табибони Тоҷикистон ва Ӯзбекистон баргузор мегардад.
Умед аст, ки дастаи табибони тоҷик дар ин мусобиқа ғалаба ба даст оварда, Ҷоми мусобиқаро соҳиб гарданд.
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
