ЗАН-МОДАР – ПАЙВАНДГАРИ НАСЛҲО. Дар Донишкадаи идоракунии давлатӣ Рӯзи Модар таҷлил гардид
ДУШАНБЕ, 06.03.2019 /АМИТ «Ховар»/. Дар Донишкадаи идоракунии давлатии назди Президенти Ҷумҳурии Тоҷикистон бахшида ба Рӯзи Модар барномаи фарҳангию маърифатӣ доир гардид. Дар маҳфил дар баробари бонувону занони Донишкада, инчунин собиқ ректорон, аз ҷумла Мунира Иноятова, Гавҳар Шарофзода ва Лутфия Абдухолиқзода иштирок доштанд.
Ректори донишкада, доктори илҳои ҳуқуқ, профессор Абдухалил Ғафурзода занону бонувонро бо Рӯзи Модар табрик намуда, зикр кард, ки тайи солҳои соҳибистиқлолӣ Ҳукумати мамлакат бо мақсади дастгирии занону модарон ва баланд бардоштани мавқеи онҳо дар ҷомеа як силсила қарору қонунҳоро ба тасвиб расонд. Аз ҷумла, Фармони Президенти Ҷумҳурии Тоҷикистон «Дар бораи тадбирҳои баланд бардоштани мақоми зан дар ҷомеа» ба имзо расид, ки барои боз ҳам фаъолтар шудани занону бонувони мо такони ҷиддӣ бахшид. Минбаъд ба хотири дастгирии занон якчанд барнома ва стратегияҳои давлатӣ қабул гардида, ҷиҳати баланд бардоштани мавқеи занону духтарон дар ҷомеа нақши муҳим бозиданд.
Сардори раёсати илму маърифати Дастгоҳи иҷроияи Президенти Ҷумҳурии Тоҷикистон Лутфия Абдулхолиқзода аз номи Роҳбари Дастгоҳи иҷроияи Президенти Ҷумҳурии Тоҷикистон Озода Раҳмон модарон, устодон ва донишҷӯёнро бо Рӯзи Модар ва баҳори оламафрӯз табрик намуда, зикр кард, ки имрӯз занону модарони мо дар ҳама соҳаҳои иқтисодию иҷтимоӣ, фарҳангию маърифатии кишвар сарбаландона фаъолият доранд. Ҳамин аст, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатиашон ба Маҷлиси Олӣ иброз доштанд: «Зан модар аст. Яъне ягона мавҷудотест, ки инсонро ба дунё меоварад ва ба ӯ ҳаёт мебахшад. Модар – зан пайвандгари наслҳо, сарчашмаи меҳру муҳаббат ва нерубахши рӯҳу ҷон аст».
Мунира Иноятова идоракунии давлатиро илми идоракунии инсон номида, онро вазифаи мураккаб донист ва таъкид намуд, ки занону модаронро мебояд дар баробари ғамхориву дастгириҳои Сарвари давлат содиқонаву софдилона хизмат намоянд. Номбурда аз афзудани сафи омӯзгорону кормандон дар Донишкада аз ҳисоби занону бонувони болаёқату кордон изҳори хушнудӣ ва сарфарозӣ намуда, иброз намуд, ки ин ҳама аз таваҷҷуҳу ғамхориҳои доимии Ҳукумати мамлакат нисбат ба занону модарон шаҳодат медиҳад.
Раиси Кумитаи забон ва истилоҳоти назди Ҳукумати Ҷумҳурии Тоҷикистон Гавҳар Шарофзода дар бораи нақши зан дар хизмати давлатӣ, рисолати зан дар идоракунии давлатӣ, садоқату вафодорӣ, рафоқату меҳрубонии ин олиҳаи ҳусн ибрози андеша намуда, аз суханони Пешвои миллат муҳтарам Эмомалӣ Раҳмон иқтибос овард, ки «бонувони тоҷик нигини пурҷилои тоҷи миллатанд».
Инчунин дар маҳфил магистрантони хизмати давлатӣ Мадина Бекназарова ва Фарҳод Муминов дар мавзӯъҳои «Мақом ва манзалати зан дар ҷомеа» ва «Таърихи пайдоиши Рӯзи байналмилалии занон» маърӯза намуданд.
Маҳфили идонаро барномаи рангини ансамбли «Сипар»-и Вазорати корҳои дохилӣ ва қироати шеърҳои донишҷӯён дар васфи зан –модар ҳусни хотима бахшид.
ПРЕЗИДЕНТИ ТОҶИКИСТОН ДАР ИН МАВРИД ҲУШДОР ДОДА БУДАНД. Барномаи муҳити зисти СММ ба амалҳои фаврӣ дар мубориза бо буҳрони сегонаи сайёра даъват менамояд
СОЛИ БАЙНАЛМИЛАЛИИ ҲИФЗИ ПИРЯХҲО. Ташаббуси Тоҷикистон барои пешгирии оқибатҳои ҳузнангез дар сайёра хеле саривақтӣ мебошад
Сарфармондеҳи Олии Қувваҳои Мусаллаҳ: «Ман ба афсарону сарбозони далеру шуҷоъ, бонангу номуси Ватан бовар дорам ва бо онҳо ифтихор мекунам»
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
ТАШАББУСИ ТОҶИКИСТОН. Созмони Милали Муттаҳид ба таҷлили Соли байналмилалии ҳифзи пиряхҳо оғоз намуд
Дар Созмони Милали Муттаҳид Соли байналмилалии ҳифзи пиряхҳо оғоз гардид
