Дар Бадахшон маъракаи даъвати баҳорӣ пурра ба анҷом расид
ДУШАНБЕ, 09.04.2019./АМИТ «Ховар»/. Маъракаи даъвати баҳории ҷавонон ба сафи Қувваҳои Мусаллаҳи Ҷумҳурии Тоҷикистон дар Вилояти Мухтори Кӯҳистони Бадахшон 8 апрел пурра ба анҷом расид.
Тавре аз Комиссариати ҳарбии ВМКБ ба хабарнигори АМИТ «Ховар» иттилоъ доданд, дар ин маъракаи муҳими сиёсӣ аввалин шуда, ҷавонони баору номуси маркази вилоят-шаҳри Хоруғ, ноҳияҳои Дарвозу Мурғоб ва Ванҷ бо дарки баланди масъулияти ватанпарастӣ ташаббус нишон дода, ба ҳимояи хоки муқаддаси Ватан сафарбар гардиданд.
Ҳамзамон дар ноҳияҳои Шуғнону Рӯшон ва Ишкошиму Роштқалъа низ ин маъракаи муҳим муташаккилона ба роҳ монда шуда, маъракаи даъват дар ҳафтаи аввал таъмин карда шуд. Ташаббуси ихтиёран ҳозир шудани ҷавонон ва дар муддати кӯтоҳ иҷро гардидани маъракаи даъват ба сафи Қувваҳои мусаллаҳ бори дигар исбот мекунад, ки имрӯз ҷавонони Бадахшон ҷонибдори сиёсати созандаи давлату Ҳукумат мебошанд.
Мавриди зикр аст, ки Пешвои миллат зимни мулоқот бо фаъолон ва сокинони ВМКБ вобаста ба даъвати ҷавонони вилоят ба сафи Қувваҳои мусаллаҳ супоришҳои мушаххас дода буданд. Маъракаи даъват ба сафи Қувваҳои мусаллаҳ дар шаҳри Хоруғ мушкилиҳои зиёд ба бор оварда буд ва маъракаи даъват асосан аз ҳисоби донишҷӯёну сокинони дигар минтақаҳои кишвар иҷро карда мешуд.
Бо назардошти ин ва дигар омилҳо аз моҳи сентябри соли 2018 Ситоди байниидоравии мақомоти таъмини амният дар вилоят ташкил карда шуд. Он дар баробари таъмини волоияти қонун ҳамчунин ба сафарбаркунии ҷавонон ба сафи Қувваҳои мусаллаҳ таваҷҷуҳи махсус зоҳир менамояд.
Волидони наваскарон ифтихорманд аз он ҳастанд, ки фарзандони онҳо имрӯз дар ҳимояи марзу буми кишвари соҳибистиқлоламон дар қатори фарзандони шуҷои дигар минтақаҳои мамлакат саҳмгузорӣ намуда, хоки муқаддаси Ватанро муҳофизат менамоянд. Зеро таъмини амнияти кишвар заминаи асосии ҳаёти осоиштаи мардум ва рушди босуботи ҷумҳурӣ ба ҳисоб меравад.
Бояд зикр намуд, ки хизмат дар сафи Артиши миллӣ дар баробари қарзи муқаддаси шаҳрвандӣ ҳамчунин мояи ифтихор ва шарафи бузург буда, Қувваҳои мусаллаҳ барои ҳар як ҷавонмард мактаби ҷасорату матонат, дӯстиву рафоқат ва худогоҳиву меҳанпарастиянд. Аз ин хотир ҳар як ҷавонмарди бонангу ор бояд ин қарзи муқаддаси худро дар назди Ватан-Модар фаромӯш накарда, дар ҳифзи марзу буми Тоҷикистони соҳибистиқлол ҳамеша омода бошад.
ХИЗМАТ БА ВАТАН–ШАРАФИ ҶАВОНМАРДӢ. Имрӯз дар Тоҷикистон Рӯзи даъватшаванда оғоз гардид
Барномаи нави ҳамкорӣ байни Прокуратураҳои генералии Тоҷикистон ва Русия ба имзо расид
Ҳабибулло Воҳидзода дар ҷаласаи 36-уми Шурои ҳамоҳангсозии прокурорҳои генералии кишварҳои аъзои ИДМ иштирок намуд
Дар Душанбе ҷаласаи навбатии Шурои вазирони корҳои дохилии давлатҳои аъзои ИДМ доир мегардад
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
