Дар Москва ҷаласаи роҳбарони сармарказҳои иттилоотӣ-таҳлилии ИДМ доир гардид
ДУШАНБЕ, 22.04.2019. /АМИТ «Ховар»/. Рӯзҳои 17-19 апрели соли равон дар шаҳри Москваи Федератсияи Россия ҷаласаи роҳбарони хадамоти иттилоотии мақомоти ҳифзи ҳуқуқи давлатҳои иштирокчии Иттиҳоди Давлатҳои Мустақил баргузор гардид. Дар кори он намояндагон аз вазоратҳои корҳои дохилии Россия, Тоҷикистон, Озарбойҷон, Арманистон, Беларус, Қазоқистон, Қирғизистон, Ӯзбекистон, Бюрои ҳамоҳангсозии мубориза бо ҷиноятҳои муташаккили Иттиҳоди Давлатҳои Мустақил, Маркази зиддитеррористии давлатҳои иштирокчии ИДМ ва дигар шахсони расмӣ иштирок намуданд.
Тавре аз Вазорати корҳои дохилӣ ба АМИТ «Ховар» хабар доданд, ҷаласаи роҳбарони хадамоти иттилоотии мақомоти ҳифзи ҳуқуқи давлатҳо-иштирокчии Иттиҳоди Давлатҳои Мустақилро муовини Вазири корҳои дохилии Федератсияи Россия Виталий Шулика оғоз намуда, дар мавзӯи «Масъалаҳои мубрам ва дурнамои рушди ташаккул ва истифодаи Махзани иттилоотии байналмилалӣ дар намуди электронӣ бо хати алоқаи муҳофизатшаванда» андешаҳои худро иброз дошт.
Ҷумҳурии Тоҷикистонро дар ҷаласаи мазкур сардори Сармаркази иттилоотӣ-таҳлилии Вазорати корҳои дохилии Ҷумҳурии Тоҷикистон Музаффар Боймаҳмадзода муаррифӣ намуда, «Оид ба имкониятҳои ташкили мубодилаи ҳармоҳаи иттилооти оморӣ» сухан гуфт.
Зикр гардид, ки кафили муваффақият ҳангоми ҳалли масъалаҳои муҳим дар таъмини амнияти ҷамъиятӣ ва мубориза бар зидди ҷинояткорӣ- ин истифодаи маҷмӯи иттилооти мавҷуда ва мукаммал намудани технологияи махзани иттилоот мебошад.
Асос барои рушди минбаъдаи фазои умумии иттилоотӣ- ин таъсис додани Махзани иттилоотии байналмилалӣ ва самаранок истифода бурдани он аз ҷониби мақомоти ҳифзи ҳуқуқи давлатҳо-иштирокчии Иттиҳоди Давлатҳои Мустақил мебошад, ки таъмини иттилоот, ошкор кардани ҷиноятҳо, ҳамчунин ташкили чорабиниҳои фавриро оид ба кофтукови шахсон, мошинҳо ва силоҳ дар тамоми ҳудуди давлатҳо-иштирокчии Иттиҳоди Давлатҳои Мустақил фароҳам меорад.
Дар ҷараёни ҷаласа иштирокчиён доир ба масъалаҳои тартиби пешбурди баҳисобгирии қайди ягонаи ҷиноятҳо ва шахсони ҷиноят содирнамуда мубоҳисаю музокира намуда, як зумра таклифҳои судманд пешниҳод намуданд.
Дар хотимаи ҷаласа Протоколи ҷаласаи роҳбарони хадамоти иттилоотии мақомоти ҳифзи ҳуқуқи давлатҳо-иштирокчии Иттиҳоди Давлатҳои Мустақил ба имзо расида, қарорҳои дахлдор қабул шуданд.
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
