Хабарнигори минтақавии АМИТ «Ховар» дар вилояти Хатлон Мурод Сотиев даргузашт

Апрель 4, 2019 12:32

ДУШАНБЕ, 4.04.2019. /АМИТ «Ховар»/. Субҳи имрӯз сармуҳаррири рӯзномаи вилоятии «Новый Хатлон» ва хабарнигори минтақавии АМИТ «Ховар» дар вилояти Хатлон Мурод Сотиев бар асари бемории қалб дар синни 56-солагӣ аз дунё даргузашт.

Мурод Сотиев хатмкардаи филиали Донишгоҳи давлатии омӯзгори шаҳри Душанбе ба номи Т.Г. Шевченко дар шаҳри Қӯрғонтеппа (ҳозира Бохтар) буда, муддати як сол ба ҳайси омӯзгори фанни забон ва адабиёти рус дар мактаби миёнаи №-15-и ноҳияи Вахш фаъолият намудааст.

Мавсуф аз соли 1991 дар рӯзномаи «Курган-Тюбинская правда»  фаъолият дошт, ки баъдан ин рӯзнома ба «Новый Хатлон» табдили ном намуд. Тайи панҷ соли охир ӯ сармуҳарририи ин рӯзномаи бонуфузро бар уҳда дошт.

Мурод Сотиев аз моҳи  феврали соли 2006 то ҳол ҳамзамон  ба ҳайси хабарнигори минтақавии АМИТ «Ховар» дар минтақаи Қӯрғонтеппаи вилояти Хатлон низ кор мекард. Ӯ яке аз хабарнигорони пурмаҳсули агентӣ маҳсуб меёфт, пайваста дар ҷустуҷӯи навгониҳо буд. Бо пешниҳоди хабару гузориш ва маводҳои таҳлилии хеш вусъати корҳои созандагиро дар вилояти Хатлон инъикос менамуд.

Субҳи имрӯз Раиси вилояти Хатлон Қурбон Ҳакимзода ва муовинони Раиси вилоят барои таъзия ва изҳори таслият ба хонадони марҳум Мурод Сотиев ташриф оварданд.

Маросими ҷанозаи марҳум бегоҳии имрӯз, соати 17.00 дар шаҳри Бохтар баргузор мегардад.

Роҳбарияти Агентии миллии иттилоотии Тоҷикистон «Ховар» ва   кормандони он аз даргузашти хабарнигори агентӣ Мурод Сотиев сахт андӯҳгин буда, ба аҳли хонавода ва пайвандони марҳум изҳори ҳамдардӣ ва таслият менамоянд.

Апрель 4, 2019 12:32

Хабарҳои дигари ин бахш

Пешгирии бемориҳои сироятӣ масъулияти ҳар шаҳрванд аст
Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид
Рӯзи Президентро дар ноҳияи Ёвон бо баргузории чорабиниҳои гуногун таҷлил намуданд
Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати  Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ