Лолазори шафати Бонки миллӣ- яке аз мавзеъҳои дилрабои пойтахт барои сайругашти шаҳриён ва меҳмонон
ДУШАНБЕ, 04.04.2019/АМИТ «Ховар»/. Бо мақсади сазовор истиқбол намудани ҷашни 30-солагии Истиқлолияти давлатии Ҷумҳурии Тоҷикистон ва дар сатҳи баланд таҷлил намудани озмуни «Сайри гули лола» дар партави ташаббусҳои созандаи Пешвои миллат муҳтарам Эмомалӣ Раҳмон ҷиҳати анҷом додани корҳои ободониву созандагӣ ва сабзазоркунии муҳити атроф дар Бонки миллии Тоҷикистон корҳои ободонӣ, тозаву озода намудани назди биноҳои маъмурӣ, кӯчаву хиёбонҳо, сабзу хуррамгардонии гулгаштҳо, шинонидани гулу дарахтони ороишиву ҳамешасабз бомаром идома дорад.
Раванди корҳо дар самти ниҳолшинонӣ, бо тарҳи мувофиқ ороиш додани дарахтони ҳамешасабз, нарму омода намудани замину гулгаштҳо ва шинонидани гулҳои гуногунранг дар назди биноҳои маъмурии Дастгоҳи марказӣ, шуъбаҳои минтақавӣ ва марказҳои таълимии Бонки миллии Тоҷикистон дар шаҳру навоҳии мамлакат ба анҷом расонида шудааст.
Барои ободу зебо гардонидани назди биноҳои маъмурии БМТ дар хиёбони Рӯдакӣ, ки дар шафати хатсайри протоколӣ ҷойгиранд, зиёда аз 15 ҳазор дона гули лола ва 12 ҳазор бех гулҳои мавсимӣ шинонида шуда, насби кӯзаҳои декоративӣ бо гулҳои мавсимӣ (алпенария) амалӣ карда шудааст.
Айни замон гулҳои лола дар ҳолати хуби нашъунамо қарор дошта, гулгашти мазкур мавзеи хушманзар ва дилрабо барои истироҳат ва сайругашти сокинону меҳмонони пойтахти кишварамон гардидааст. Аз Бонки миллии Тоҷикистон ба АМИТ «Ховар» иттилоъ доданд, ки тадбири мазкур ҳамзамон дар шуъбаҳои минтақавӣ ва марказҳои таълимии Бонки миллии Тоҷикистон дар шаҳру ноҳияҳои Хоруғ, Бохтар, Кӯлоб, Хуҷанд, Гулистон ва Варзоб амалӣ карда шудааст.
Мусаллам аст, ки бо мақсади саҳмгузорӣ дар ободу зебо гардонидани кӯчаву хиёбон ва боғу гулгаштҳои шаҳри Душанбе аз ҷониби Бонки миллии Тоҷикистон парвариши гулҳои гуногуни мавсимӣ ва қаламчаи гули садбарг дар замину гармхонаҳои дастгоҳи марказӣ ва шуъбаҳои минтақавии Бонки миллии Тоҷикистон ба роҳ монда шудааст.
То ин муддат барои ободонии шаҳри Душанбе беш аз 45 ҳазор дона буттаҳои гули садбарг ва 75 ҳазор дона гулҳои гуногунранги мавсимӣ дар гулгашту хиёбонҳои пойтахт шинонида шудаанд.
Дурнамои ҳамкории шаҳри Душанбе ва иёлоти Ютаи Амрико баррасӣ шуд
Дар Душанбе даври шаҳрии Фестивал-озмуни ҳунармандону косибон таҳти унвони «Беҳтарин усто ва шогирд» баргузор шуд
Байни шаҳрҳои Душанбе ва Антверпен робитаҳои фарогир таҳким меёбанд
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
