Ҳокими аморати Шарҷа дар Фестивали мероси фарҳангии Шориқа ба гӯшаи Тоҷикистон баҳои баланд дод
ДУШАНБЕ, 04.04.2019. /АМИТ «Ховар»/. Имрӯз дар шаҳри Шарҷаи Амороти Муттаҳидаи Араб Фестивали 17-уми мероси фарҳангии Шориқа (Sharjah Heritage Days) бо тантана ифтитоҳ ёфт. Дар он беш аз 2 ҳазор нафар намояндагони 60 давлати дунё ҷамъ омадаанд.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, дар Фестивали мазкур аз Тоҷикистон ҳайати санъаткорону ҳунармандон бо роҳбарии муовини Вазири фарҳанги Ҷумҳурии Тоҷикистон Зевар Давлатзода иштирок доранд.
Бояд зикр кард, ки дар гӯшаи ҳунармандии Тоҷикистон осори ҳунари кордсозӣ, заргариву сангтарошӣ, сӯзанидӯзӣ, наққошӣ, гаҷкорӣ, кандакорӣ, инчунин намунаи либосҳои миллии атлас, адрас, чакан ва тамсилаҳои мӯди замонавии либосҳо ба намоиш гузошта шуда, тамошобинонро мафтун намуд.
Ҳокими аморати Шарҷа доктор Султон бин Муҳаммад ал-Қосимӣ баъди ифтитоҳи расмии Фестивал аз гӯшаи Тоҷикистон дидан намуда, ба ҳунари волои халқи тоҷик ва мероси ғании фарҳангии мо баҳои баланд дод.
Бояд гуфт, ки дар фестивали мазкур рақсу мусиқӣ ва сурудҳои миллии тоҷикиро ҳунарпешагони Ансамбли давлатии хизматнишондодаи рақсии «Лола» ба номи Ғ. Валаматзода, Ансамбли рақсии «Ҷаҳоноро» ва Оркестри эстрадии «Гулшан» муаррифӣ мекунанд.
Фестивал то 21 апрел идома мекунад.
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
