Паҳлавонони тоҷик дар Чемпионати Осиё оид ба гӯштини озод ва юнонӣ-римӣ иштирок мекунанд
ДУШАНБЕ, 15.04.2019. /АМИТ «Ховар»/. Аз 23 то 28 апрели соли равон дар шаҳри Сиани Ҷумҳурии мардуми Чин Чемпионати Осиё оид ба гӯштини озод ва юнонӣ-римӣ баргузор мегардад, ки дар он дастаи мунтахаби Тоҷикистон низ иштирок мекунад.
Дар ин бора корманди Кумитаи миллии олимпии Тоҷикистон Умаралӣ Сафаралӣ ба мухбири АМИТ «Ховар» Меҳрони ҚУРБОН хабар дод.
Ба иттилои манбаъ, дар Чемпионати Осиё қувваозмоиҳо аз рӯи ду равияи гӯштин – тарзи озод миёни мардону бонувон ва юнонӣ-римӣ миёни мардон дар 30 категорияи вазнӣ сурат мегиранд.
Ҷумҳурии Тоҷикистонро дар ин мусобиқа 13 нафар варзишгар — 10 нафар дар равияи тарзи озод, 3 нафар дар равияи юнонӣ-римӣ намояндагӣ хоҳанд кард. Ба ҳайати дастаи мунтахаби Тоҷикистон дар Чемпионати Осиё аз рӯи гӯштини тарзи озод инҳо дохиланд: Ҳикматулло Воҳидов ( -57кг), Ҷамшед Шарифов (-61кг), Абулқосим Файзиев (-65кг), Сорбон Абдулҳаев (-70кг), Ғуломҷон Шарифов(-74кг), Аъзамҷон Юсуфов (-79кг), Баҳодур Қодиров (-86кг), Фаридун Одилов (-92кг), Искандари Рустам (-97кг) ва Фарҳод Анақулов (-125кг) бо роҳбарии сармураббӣ – Абдурозиқ Олимов.
Аз намуди гӯштини юнонӣ-римӣ Мубинҷон Ахмедов (-67кг), Ҳабибҷон Зуҳуров (-77кг) ва Тоҳир Охонов (-87кг) бо роҳбарии сармураббӣ – Фаррух Беков ҳунарнамоӣ мекунанд.
Чемпионати Осиё барои варзишгарон як замина барои Чемпионати ҷаҳон маҳсуб меёбад, ки моҳи сентябр дар шаҳри Нурсултон (Остона) мегузарад. Яъне дар Чемпионати ҷаҳон он варзишгароне иштирок карда метавонанд, ки дар чемпионатҳои минтақавӣ ширкат карда бошанд.
Ёдовар мешавем, ки дар шаҳри Нурсултон 5 варзишгари беҳтарин дар ҳар вазн соҳиби аввалин роҳхат ба Бозиҳои олимпии Токио-2020 аз рӯи ин намуди варзиш мегарданд.
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
Дар Хатлон Рӯзи ҷаҳонии футболро таҷлил намуданд
РӮЗИ ҶАҲОНИИ ФУТБОЛ – 25 МАЙ: Дипломатияи варзишии Рустами Эмомалӣ дар сатҳи ҳуқуқи байналмилалӣ
Ҳайати васеи дастаи мунтахаби Тоҷикистон барои бозиҳои дӯстонаи моҳи июн эълон гардид
РӮЗИ ҶАВОНОН. Дар Москва бо варзишгарони тоҷик, аз ҷумла варзишгарони параолимпӣ вохӯрӣ баргузор гардид
Мадина Қурбонзода: «Бо роҳнамоиҳои Пешвои миллат тавонистам дар мусобиқоти сатҳи баланд Парчами давлатиро парафшон созам»
Бахшида ба Рӯзи ҷаҳонии футбол дар Кӯлоб барномаи бошукуҳи варзишию фарҳангӣ доир шуд
Ҷавонони шаҳри Хуҷанд дар мусобиқаҳои сатҳи гуногун беш аз 2600 медал ба даст оварданд
Бахшида ба Рӯзи ҷаҳонии футбол дар ноҳияи Шаҳринав Фестивали бозиҳои варзишӣ баргузор гардид
Парчамбардорони тоҷик хотираи қаҳрамонони миллатро пос доштанд
