Сумангул Тағойзода дар иҷлосияи 30-юми Кумитаи Созмони Милали Муттаҳид иштирок намуд
ДУШАНБЕ, 10.04.2019./АМИТ «Ховар»/. Аз 1 то 5 апрели соли 2019 Вазири меҳнат, муҳоҷират ва шуғли аҳолии Ҷумҳурии Тоҷикистон Сумангул Тағойзода дар ҳайати намояндагони Ҷумҳурии Тоҷикистон ҷиҳати ҳимояи маърӯзаи Ҷумҳурии Тоҷикистон оид ба ҳифзи ҳуқуқҳои ҳамаи муҳоҷирони меҳнатӣ ва аъзои оилаи онҳо дар иҷлосияи 30-юми Кумитаи Созмони Милали Муттаҳид, ки дар шаҳри Женеваи Конфедератсияи Швейтсария баргузор гардид, иштирок намуд.
Тавре аз маркази матбуоти вазорати мазкур ба АМИТ «Ховар» хабар доданд, дар кори он маърӯзаи Ҷумҳурии Тоҷикистон оид ба ҳифзи ҳуқуқҳои ҳамаи муҳоҷирони меҳнатӣ ва аъзои оилаи онҳо нисбат ба дуюмин маърӯзаи марҳилавии Ҷумҳурии Тоҷикистон роҷеъ ба татбиқи Конвенсияи байналмилалӣ оид ба ҳифзи ҳуқуқҳои ҳамаи муҳоҷирони меҳнатӣ ва аъзои оилаи онҳо шунида шуда, ба саволҳои аъзои Кумитаи СММ ҷавобҳо пешниҳод гардиданд.
Зимни ин маърӯза зикр гардид, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба иҷрои уҳдадориҳои байналмилалӣ, аз ҷумла, оид ба масъалаҳои ҳифзи ҳуқуқи муҳоҷирони меҳнатӣ, ки Ҷумҳурии Тоҷикистон ба уҳда доранд, диққати махсус дода, оид ба иҷрои тавсияҳои Кумитаи СММ дар ин самт Нақшаи миллии амалҳо таҳия ва тасдиқ гардидааст. 2 майи соли 2017 оид ба натиҷаи корҳои анҷомдодашуда ба Кумитаи СММ дуюмин маърӯзаи марҳилавии Ҷумҳурии Тоҷикистон ирсол гардид.
Мавриди зикр аст, ки 16 апрели соли 2012 дар Кумитаи СММ оид ба ҳуқуқи ҳамаи муҳоҷирони меҳнатӣ ва аъзои оилаи онҳо якумин маърӯзаи марҳилавии Ҷумҳурии Тоҷикистон оид ба иҷрои Конвенсияи мазкур шунида шуда буд.
Масоили тавсеа ва рушди муносибатҳои мутақобили судманд байни Тоҷикистону Австрия баррасӣ шуд
Шараф Шерализода дар Барселона бо намояндагони ниҳодҳои Испания мулоқот намуд
Ҳамкории Тоҷикистон ва Конфедератсияи Швейтсария баррасӣ гардид
Сафири Тоҷикистон бо муовини раиси Девони вазирони Туркманистон оид ба нақлиёт ва коммуникатсия мулоқот намуд
Дар Шуша ҷаласаи 7-уми вазирони Созмони ҳамкории иқтисодӣ оид ба сайёҳӣ баргузор гардид
Зарурати тақвияти ҳамкории сармоягузорӣ байни Тоҷикистон ва иёлоти Ютаи Амрико таъкид шуд
Дар Вена «Устувонаи Куруши Кабир» муаррифӣ гардид
Ҳамкорӣ байни Маҷлиси намояндагони Маҷлиси Олии Тоҷикистон ва Конгресси Иёлоти Муттаҳидаи Амрико баррасӣ шуд
Сафири Тоҷикистон бо намояндаи махсуси Кантслери Австрия оид ба корҳои хориҷӣ мулоқот намуд
Таҳкими ҳамкорӣ байни прокуратураҳои генералии Тоҷикистон ва Қатар баррасӣ гардид
Ташаббуси Ҷумҳурии Тоҷикистон доир ба қабули қатъномаи Иҷлосияи 82-юми Комиссияи иқтисодӣ ва иҷтимоии СММ барои Осиё ва Уқёнуси Ором дар Бангкок
Намояндаи Тоҷикистон дар Форуми 10-уми байналмилалии шарикии давлат ва бахши хусусӣ дар Барселона иштирок намуд
