Таваҷҷуҳи сайёҳони Россия ба Тоҷикистон бештар мегардад
ДУШАНБЕ, 16.04.2019. /АМИТ «Ховар»/. Имрӯз дар пойтахти Федератсияи Россия — шаҳри Москва дар ҳошияи Конфронси 7-уми ҳамкории минтақавии Россия ва Тоҷикистон, ки дар доираи сафари расмии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Федератсияи Россия аз 16 то 17 апрел доир мегардад, ҳамоиши махсус дар самти сайёҳии ҷавонон баргузор гардид. Дар ин бора ба АМИТ «Ховар» аз Кумитаи рушди сайёҳӣ хабар доданд.
Дар самти рушди соҳаи сайёҳӣ раиси Кумитаи рушди сайёҳии назди Ҳукумати Ҷумҳурии Тоҷикистон Нуъмон Абдуғаффорзода бо ҳайати намояндагии Ҷумҳурии Тоҷикистон ва Анна Александрова бо ҳайати намояндагии Федератсияи Россия бо пешниҳодҳои мухталиф дар самти рушди сайёҳӣ, лоиҳаҳои гуногун вобаста ба ҷалби сайёҳони хориҷӣ ва рушди ҳамкории дуҷониба суханронӣ намуданд.
Таъкид гардид, ки дар Ҷумҳурии Тоҷикистон бо мақсади рушди соҳаи сайёҳӣ бо дастгириҳои бевоситаи Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон солҳои 2019- 2021 Солҳои рушди деҳот, сайёҳӣ ва ҳунарҳои мардумӣ эълн гардида, дар соли 2018 беш аз 1 миллион сайёҳон аз Тоҷикистон дидан намуданд.
Ҳайати намояндагии ҷонибҳо бо маърӯзаҳои пурмуҳтаво ва пешниҳодҳои ҷолиб дар ин самт иброзӣ назар намуда, барои рушди ҳамкории дуҷониба дар самти сайёҳии кишварҳо ба мувофиқа расиданд.
Мавриди зикр аст, ки Федератсияи Россия дар қатори кишварҳои даҳгона дар Ҷумҳурии Тоҷикистон аз лиҳози ташрифи сайёҳон ба ҳисоб меравад.
Таҳлилҳои оморӣ нишон медиҳанд, ки дар соли 2018 аз Федератсияи Россия 157910 сайёҳ ба Тоҷикистон ташриф овардаанд, ки ин нишондод нисбат ба ҳамин давраи соли 2017-ум 24500 нафар зиёд мебошад.
Ҳамзамон, иттилоъ медиҳем, ки ҳамасола намояндагони соҳаи сайёҳии Тоҷикистон дар намоишгоҳҳои байналмилалӣ дар шаҳри Москваи Федератсияи Россия, аз ҷумла «Интурмаркет» ва «МИТТ» ширкат варзида, имкониятҳои сайёҳии кишвар ба бозори сайёҳии Федератсияи Россия ва Иттиҳоди Давлатҳои Мустақил пешниҳод мегардад.
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
Бахшида ба ҷашни Меҳргон Форуми байналмилалии «Сайёҳии устувор ва мероси фарҳангӣ» баргузор мегардад
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
Покистон тасмим гирифтааст, ки ҳамкориро бо Тоҷикистон дар соҳаи сайёҳӣ густариш диҳад
«Барномаи рушди сайёҳии дохилии Ҷумҳурии Тоҷикистон барои солҳои 2027-2031» қабул гардид
