ФУТБОЛ: санаи бозиҳои даври нуҳуми Чемпионати Тоҷикистон миёни дастаҳои лигаи олӣ маълум шуд
ДУШАНБЕ, 30.05.2019 /АМИТ «Ховар»/. 15 ва 16 июни соли равон Бозиҳои даври 9- уми Чемпионати Тоҷикистон миёни дастаҳои Лигаи олӣ баргузор мешаванд. Дар даври навбатӣ дастаҳои футболи «Истиқлол» бо КМВА «Помир», «Хуҷанд» бо «Панҷшер», «Истаравшан» бо «Регар-ТадАЗ», «Хатлон» бо «Кӯктош» байни ҳам бозӣ менамоянд. Ин мавзӯъро шореҳи варзиши АМИТ «Ховар» Меҳрони ҚУРБОН шарҳ медиҳад.
Дар бозиҳои даври ҳаштум дастаи футболи «Истиқлол»-и Душанбе дар майдони худ тими «Хуҷанд»-и Хуҷандро бо ҳисоби 2:1 мағлуб намуд. Ин вохӯрӣ дар доираи бозиҳои даври 8-уми Чемпионати малакат дар Варзишгоҳи марказии ҷумҳуриявӣ шаҳри Душанбе ҷолибу диданӣ сурат гирифт. Ҳисобро дар дақиқаи 19-ум легионери дастаи «Хуҷанд» Турсуналӣ Рустамов боз намуд. Аммо қабл аз танаффус Шериддин Бобоев голи ҷавобӣ зада, таносубро барқарор сохт. Зоир Ҷурабоев дар дақиқаи 68-ум бори дигар дарвозаи меҳмононро рахна сохта, пирӯзии дастаи «Истиқлол»-ро дар ин вохӯрӣ таъмин намуд.
Баъди ин ғалаба шогирдони Ҳаким Фузайлов мавқеи ҷойгиршавии худро дар рӯйхат боло бурданд.
Дар бозиҳои даври ҳаштум дастаи футболи «Регар-ТадАЗ» бо тими КМВА «Помир» бозиро мусовӣ 1:1 анҷом дод. Дастаи футболи «Кӯктош» бошад, бар тими «Истаравшан» бо ҳисобӣ 3:1 ғолиб омад. Дастаи футболи «Панҷшер» аз ҷониби бозингарони дастаи «Хатлон» бо ҳисоби 3:1 мағлуб гардид.
Чемпионати Тоҷикистон. Лигаи олӣ. Даври 8-ум
«Истиқлол» – «Хуҷанд» – 2:1
Голҳо: Турсуналӣ Рустамов, 19 (0:1). Шериддин Бобоев, 45 (1:1). Зоир Ҷурабоев, 68 (2:1).
«Регар-ТадАЗ» – КМВА «Помир» – 1:1
Голҳо: Шодибек Ғаффоров, 12 (0:1). Ҳасан Рустамов, 38 (1:1).
«Кӯктош» – «Истаравшан» – 3:1
Голҳо: Отабек Каримов, 9 (0:1). Аҳтам Холбоев, 18 (1:1). Мисиам Иносент, 38 (2:1). Муҳиддин Одилов, 71 (3:1).
«Панҷшер» – «Хатлон» – 1:3
Голҳо: Парвиз Ахунов, 34 (0:1). Парвиз Ахунов, 48 (0:2). Алишер Баротов, 59 – (худгол) (1:2). Нуриддин Ҳамрокулов, 85 (1:3).
Нишонзанҳо: Эҳсони Панҷшанбе, Шериддин Бобоев (аз дастаи «Истиқлол») – 5 тӯбӣ, Алишер Ҷалилов («Истиқлол»), Бахтовар Зокиров («Истаравшан»), Нозим Бобоҷонов («Регар-ТадАЗ») – 4 .
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
