Рамазон Раҳимзода: «Ҷавонони боғайрат метавонанд нуфузи Тоҷикистонро дар арсаи байналмилалӣ баландтар бардоранд»
ДУШАНБЕ, 06.05.2019 /АМИТ «Ховар»/. Дар ҷамъомаде, ки 4 майи соли равон дар маҷлисгоҳи Академияи ВКД баргузор гардид, Вазири корҳои дохилӣ Рамазон Раҳимзода, сардори Академияи ВКД Файзалӣ Шарифзода, сардори Хадамоти пешгирии ҳуқуқвайронкунӣ байни ноболиғон ва ҷавонони ВКД Абдусаттор Фаттозода, ҳайати омӯзгорону курсантони Академия ва намояндагони гурӯҳи «Авангард» иштирок намуданд.
Тавре аз Вазорати корҳои дохилӣ ба мухбири АМИТ «Ховар» хабар доданд, дар вохӯрӣ Вазири корҳои дохилӣ Рамазон Раҳимзода иброз намуд, ки Пешвои муаззами миллат муҳтарам Эмомалӣ Раҳмон сиёсати давлатии ҷавононро самти афзалиятнок шуморида, пайваста баҳри онҳо ғамхориҳои падарона зоҳир менамояд. Ин сиёсати хирадмандонаи Пешвои миллат имкон медиҳад, ки ҷавонони боғайрати миллат дар бунёди давлати соҳибистиқлоли Тоҷикистон фаъолона ширкат намуда, обрӯ ва нуфузи онро дар арсаи байналмилалӣ боз ҳам боло намуда, номбардорони ин миллати куҳанбунёд гарданд.
Мавсуф изҳори умед намуд, ки «ширкаткунандагони ҷамъомади мазкур, ки донишҷӯёну ҷавонони фаъоли мамлакат мебошанд, метавонанд дар масъалаи пешгирӣ намудан ва мубориза бурдан бо ин гуна зуҳуроти номатлуб дар байни ҳамсолони худ корҳои тарғиботиву ташвиқотӣ баранд».
Зимни ҷамъомад як гурӯҳ ҷавонони фаъоли гурӯҳи «Авангард» аз шаҳри Душанбе ва навоҳии тобеи марказ доир ба пешрафти соҳаи илму маориф изҳори андеша карданд. Тавре ҷавонони фаъол зикр карданд, аксари онҳо дар кори тарғиби тарзи ҳаёти солим, таъмини тартиботи ҷамъиятӣ ва ҳифзи суботи ҷомеа бо кормандони милитсия ҳамкории наздик доранд.
Дар идомаи ҷамъомад миёни роҳбарияти Вазорати корҳои дохилӣ ва донишҷӯёну курсантон табодули афкор сурат гирифт.
Барномаи нави ҳамкорӣ байни Прокуратураҳои генералии Тоҷикистон ва Русия ба имзо расид
Ҳабибулло Воҳидзода дар ҷаласаи 36-уми Шурои ҳамоҳангсозии прокурорҳои генералии кишварҳои аъзои ИДМ иштирок намуд
Дар Душанбе ҷаласаи навбатии Шурои вазирони корҳои дохилии давлатҳои аъзои ИДМ доир мегардад
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
