Шавкат Мирзиёев: «25 фоиз кам гардидани сатҳи ҷинояткорӣ аз кори самарабахши Шӯрои вазирони корҳои дохилии ИДМ гувоҳӣ медиҳад»

Май 31, 2019 15:37

ДУШАНБЕ, 31.05.2019. /АМИТ «Ховар»/. Дар тӯли 5 соли охир 25 фоиз кам гардидани сатҳи ҷинояткорӣ дар ҳудуди Иттиҳоди Давлатҳои Мустақил шаҳодати натиҷаҳои самарабахши кори Шӯрои вазирони корҳои дохилии давлатҳо — иштирокчиёни аъзои ИДМ маҳсуб мешавад.

Ин нукта имрӯз зимни мулоқоти Президенти Ҷумҳурии Ӯзбекистон Шавкат Мирзиёев бо Вазирони корҳои дохилии давлатҳо — иштирокчиёни аъзои Иттиҳоди Давлатҳои Мустақил, ки барои иштирок дар ҷаласаи навбатии Шӯрои вазирони корҳои дохилӣ ба шаҳри Тошканд ташриф оварданд, зикр карда шуд.

Президенти Ӯзбекистон роҳбарони ҳайати Ҷумҳуриҳои Озарбойҷон, Арманистон, Беларус, Қазоқистон, Қирғизистон, Россия, Тоҷикистон ва Туркманистонро самимона пазироӣ намуда, аз рушди ҳамкории дуҷониба ва бисёрҷонибаи байни мақомотҳои ҳифзи ҳуқуқи давлатҳо — иштирокчиёни аъзои ИДМ изҳори қаноатмандӣ намуд.

Дар ин радиф, Вазири корҳои дохилии Ҷумҳурии Тоҷикистон Рамазон Раҳимзода салому гарму самимии  Президенти Ҷумҳурии Тоҷикистон муҳтарам Эмомалӣ Раҳмонро ба Президенти Ҷумҳурии Ӯзбекистон Шавкат Мирзиёев расонида, изҳор дошт, ки ҳамкории мутақобилан судманди ду кишвар дар самти мубориза бар зидди ҷинояткорӣ ва таҳдиду хатарҳои замони муосир рӯз аз рӯз тақвият ёфта истодаанд.

Дар ҷараёни вохӯрӣ зикр гардид, ки Шӯрои вазирони корҳои дохилии давлатҳо — иштирокчиёни аъзои ИДМ яке аз механизмҳои муҳими ҳамкории самаранок дар самти мубодилаи таҷрибаи пешқадам, донишҳои замонавӣ, инчунин ҳамоҳангсозии мустаҳкам дар мубориза бар зидди терроризм, экстремизм, гардиши ғайриқонунии маводи мухаддир, ҷинояткории муташаккилона ва савдои одамон мебошад.

Ҳамчунин дар доираи амалиётҳои муштарак танҳо дар соли гузашта фаъолияти 892 шахсоне, ки ба гардиши ғайриқонунии маводи нашъаовар машғул буданд, пешгирӣ карда шуда, 84 ҷинояткор дастгир карда шуд.

Дар идомаи вохӯрӣ оид ба масъалаҳои амнияти минтақа, аз он ҷумла, вазъи Афғонистон ва таҳким бахшидани шарикӣ дар мубориза бар зидди ҷиноятҳои фаромиллӣ гуфтугӯи судманд доир гардид.

Дар хотимаи мулоқот Президенти Ҷумҳурии Ӯзбекистон Шавкат Мирзиёев ба кори ҷаласаи навбатии Шӯрои вазирони корҳои дохилии давлатҳо — иштирокчиёни аъзои ИДМ муваффақияту бурдбориҳо таманно намуд.

Май 31, 2019 15:37

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»