БАРӮЙХАТГИРИИ АҲОЛӢ-2020. Мутахассисони соҳаи омор системаи коркарди маълумотҳо ва таҳқиқотҳоро меомӯзанд
ДУШАНБЕ, 19.06.2019 /АМИТ «Ховар»/. Соли 2020 дар Тоҷикистон, чун дар дигар кишварҳои ҷаҳон Барӯйхатгирии навбатии аҳолӣ ва фонди манзил доир карда мешавад. Вобаста ба ин маъракаи муҳим бо қарори Ҳукумати Ҷумҳурии Тоҷикистон комиссияи давлатӣ таъсис дода шудааст.
Агентии омори назди Президенти Ҷумҳурии Тоҷикистон дар ҳамкорӣ бо идораи минтақавии Хазинаи нуфуси Созмони Миллали Муттаҳид (ЮНФПА) машғулияти омӯзишии 10 -рӯзаро оид ба истифодаи таҷҳизоти мобилӣ барои ҷамъоварии маълумот бо дастрасии маҷмӯи барномаҳои CSPro дар платформаи Android оғоз намуд.
Тавре ба мухбири АМИТ «Ховар» аз Агентии мазкур хабар доданд, машғулияти мазкур аз 17 то 27 июни соли равон гузаронида мешавад. Ин машғулият дар доираи омодагии давлатҳои Аврупои шарқию Осиёи Миёна ба марҳилаи навбатии барӯйхатгирии аҳолӣ дар солҳои 2019-2022 ба нақша гирифта шудааст. Ба он дар баробари 10 нафар кормандони мақомоти омори Ҷумҳурии Тоҷикистон, ҳамчунин мутахассисони мақомоти омори ҷумҳуриҳои Озарбойҷон, Гурҷистон, Қазоқистон, Қирғизистон, Молдова, Туркманистон ва Ӯзбекистон даъват шудаанд.
Бино ба иттилои манбаъ, CSPro (Census Processing Sistem – системаи коркарди маълумотҳои барӯйхатгирии аҳолӣ ва таҳқиқотҳо) – ин маҷмӯи барномаҳои истифодаи умум барои воридкунии маълумот, коркард, тайёр кардани ҷадвалҳои бароришӣ, дастрас намудани маълумоти барӯйхатгирӣ ва таҳқиқотҳо мебошад. Мақомоти омори миллӣ аз истифодаи таҷҳизоти мобилӣ барои ҷамъоварии маълумот натиҷаҳои мусбӣ ба даст оварда, дастовардҳои дигар давлатҳои пешрафтаро оид ба ҷамъоварии маълумотҳои барӯйхатгириҳо ва таҳқиқотҳо меомӯзанд.
Бояд гуфт, ки машғулият бо дастгирии молиявии Хазинаи нуфузи Созмони Миллали Муттаҳид ва кумаки техникии Агентии омори назди Президенти Ҷумҳурии Тоҷикистон гузаронида мешавад.
Мутахассисони дар омӯзиш иштирокдошта дониши гирифтаи худро дар корҳои гузаронидани барӯйхатгирии аҳолии навбатӣ ва таҳқиқотҳои дар давлати худ гузаронидашаванда, бо истифодаи таҷҳизоти мобилӣ истифода менамоянд. Дар назар аст, ки пас аз анҷоми машғулият ба ҳар як иштирокчии он сертификат дар бораи гузаштан аз курси омӯзишӣ тақдим карда мешавад.
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
Дар назди Коллеҷи муҳандисӣ-техникии ноҳияи Нуробод бинои нави таълимӣ ва хобгоҳ сохта мешавад
Дар Суғд масъалаи риояи талаботи санитарию эпидемиологӣ дар муассисаҳои хизматрасонӣ баррасӣ гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Тоҷикобод хати нави оби нӯшокӣ ва иншооти иҷтимоӣ мавриди истифода қарор гирифтанд
