Дилшод Назаров дар мусобиқоти гуногуни сатҳи байналмилалӣ ширкат меварзад

Июнь 21, 2019 09:00

ДУШАНБЕ, 21.06.2019. /АМИТ «Ховар»/. Варзишгари  маъруфи тоҷик Дилшод Назаров машқҳои дастаҷамъонаи тамринии худро аз 24 июн то 10 июли соли 2019 дар шаҳри Амблонести Ҷумҳурии Чехия мегузаронад. Д.Назаров ҳамзамон дар ин давра  дар мусобиқоти гуногуни сатҳи байналмилалӣ ширкат меварзад.

Аз ҷумла,  аз 6 то 7 июли соли равон  дар шаҳри Алмаатои Ҷумҳурии Қазоқистон дар мусобиқоти варзишӣ оид ба дарёфти Ҷоми Г.Касанов, аз 13 то 14 июл дар шаҳри Бишкеки Ҷумҳурии Қирғизистон дар мусобиқаи байналмилалии барои дарёфти Ҷоми Т.Колпокова ва  аз 2 то 4 августи соли равон  дар  мусобиқа барои дарёфти Ҷоми Ӯзбекистон иштирок менамояд.

Дар ин бора  аз   Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар»  хабар  доданд.

Тибқи иттилои манбаъ, ҳамчунин иштироки Д.Назаров дар Унверсиадаи ҷаҳонӣ, ки моҳи августи соли равон  дар шаҳри Неаполи  Италия  баргузор мегардад, дар назар дошта шудааст.

Д.Назаров инчунин дар Чемпионати ҷаҳон оид ба варзиши сабук, ки аз 26 сентябр то 2 октябри соли  равон  дар шаҳри Доҳаи Қатар баргузор мегардад,  иштирок хоҳад кард.

Мавриди зикр аст, ки аз натиҷаҳои то ба имрӯз ба дастовардаи Дилшод Назаров  метавон хулоса кард,  ки ин варзишгари шинохта  имкон дорад роҳахати олипиро барои иштирок дар Бозиҳои тобистонаи олипии – 2020 дар Токио ба даст орад.

Июнь 21, 2019 09:00

Хабарҳои дигари ин бахш

ИМРӮЗ — РӮЗИ БАЙНАЛМИЛАЛИИ ШОҲМОТ. Дар Тоҷикистон Мусобиқаи байналмилалии варзишӣ оид ба шоҳмот доир мешавад
Имрӯз дастаҳои мунтахаби футзали Тоҷикистон ва Узбекистон бозӣ мекунанд
Мавзуна Чориева: «Аз варзишгарони тоҷик умеди зиёд дорем, ки дар Бозиҳои олимпии Париж-2024 ба дастовардҳои назаррас ноил мегарданд»
Дар Хоруғ Варзишгоҳи марказӣ аз нав таъмир гардид
ФУТБОЛ. Дарко Илиески ва Павел Назаренко ба ҳайати бозигарони дастаи «Истиқлол»-и шаҳри Душанбе пайвастанд
ҶОМИ «INNOPROM — 2024». Дастаи «Равшан»-и Кӯлоб аз ин мусобиқот бо медали биринҷӣ ба Ватан баргашт
Темур Раҳимов маротибаи дуюм парчамбардори дастаи мунтахаби олимпии Тоҷикистон дар Бозиҳои олимпӣ мешавад
БОЗИҲОИ ОЛИМПИИ ПАРИЖ-2024. Рустами Эмомалӣ бо ҳайати дастаи мунтахаби Тоҷикистон мулоқот намуданд
ЧЕМПИОНАТИ CAFA-2024. Имрӯз дастаҳои мунтахаби ҷавонони Тоҷикистон ва Узбекистон барои ҷойи сеюм байни ҳам бозӣ мекунад
ФУТБОЛ. Никола Стошич ба дастаи «Истиқлол»-и шаҳри Душанбе баргашт
Лигаи футболи Тоҷикистон беҳтаринҳои моҳи июнро дар мусобиқаи ҳайатҳои ҷавонон маълум намуд
Футзалбозони тоҷик бо дастаҳои мунтахаби Испания ва Нидерланд бозиҳои дӯстона анҷом медиҳанд