ФУТБОЛ: дастаи мунтахаби Тоҷикистон бо мунтахабҳои Афғонистон ва Чин бозиҳои дӯстона анҷом медиҳад

Июнь 3, 2019 10:59

ДУШАНБЕ, 03.06.2019 /АМИТ «Ховар»/. Дастаи мунтахаби футболи Тоҷикистон моҳи июни соли равон  бо дастаҳои  мунтахаби  Афғонистон ва Чин бозиҳои дӯстона анҷом медиҳад.  Дар ин бора  аз Федератсияи футболи Тоҷикистон ба мухбири АМИТ «Ховар» Меҳрони Қурбон хабар доданд.

Футболбозони тоҷик бозии аввали дӯстонаи худро  7 июн  соати 19:00 дар Варзишгоҳи марказии шаҳри Душанбе бо  футболбозони афғон баргузор менамоянд. Бозии дуюми дастаи мунтахаби футболи Тоҷикистон 11 июн  дар шаҳри Гуанҷоу бо дастаи мунтахаби Чин доир мешавад.

Бояд тазаккур дод, ки  футболбозони  дастаи мунтахаби Тоҷикистон  аз 1 июн дар шаҳри Душанбе ба тамрин шурӯъ намуданд ва ба бозиҳои мазкур омодагӣ мегиранд. Сармураббии даста Усмон Тошев 25 бозингарро даъват кардааст: 3 дарвозабон, 9 ҳимоятгар, 9 нимҳимоятгар ва 4 ҳамлагар. Дар байни онҳо чаҳор нафарашон дар дастаҳои  футболи Булғористон, Индонезия, Қирғизистон ва Малайзия бозӣ мекунанд.

Ҳайати дастаи мунтахаби Тоҷикистон барои бозиҳои дӯстона ба муқобили дастаҳои мунтахаби Афғонистон ва Чин:

Дарвозабонҳо: Абдуазиз Маҳкамов («Олой», Қирғизистон), Рустам Ятимов («Истиқлол»), Фатҳулло Бобоев («Регар-ТадАЗ»).

Ҳимоятгарон: Хуршед Бекназаров («ПС Тира», Индонезия), Сиёвуш Асроров («ПКНП», Малайзия), Зоир Ҷӯрабоев, Аҳтам Назаров, Искандар Ҷалилов, Табрези Давлатмир (ҳама аз «Истиқлол»), Фирдавс Чақалов, Манучеҳр Ахмедов («Хуҷанд), Алишер Баротов («Хатлон»).

Нимҳимоятгарон: Парвизҷон Умарбоев («Локомотив Пловдив», Булғория), Алишер Ҷалилов, Эҳсони Панҷшанбе, Амирбек Ҷӯрабоев, Муҳаммадҷон Раҳимов («Истиқлол»), Шарафҷон Солеҳов (КМВА «Помир»), Кароматулло Саидов («Хатлон»), Илҳомҷон Баротов, Отабек Каримов («Истаравшан»).

Ҳамлагарон: Шаҳром Самиев, Комрон Турсунов, Шериддин Бобоев («Истиқлол»), Ҷаҳонгир Эргашев («Хуҷанд»).

Сармураббӣ: Усмон Тошев (Ӯзбекистон).

 

Бозиҳои дӯстона
7 июн (ҷумъа)

Тоҷикистон – Афғонистон

Душанбе, Варзишгоҳи марказии ҷумҳуриявӣ

11 июн (сешанбе)

Чин – Тоҷикистон

Гуанҷоу, Чин

Июнь 3, 2019 10:59

Хабарҳои дигари ин бахш

ҶОМИ ҶАҲОН-2026. Дастаи мунтахаби наврасони Тоҷикистон (U-17) дастаи Кубаро мағлуб кард
Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд