Кӯдакони ятим дар ноҳияи Шаҳринав аз ғамхориҳои Сарвари давлат бархӯрдор гардиданд
ШАҲРИНАВ, 01.06.2019 /АМИТ «Ховар»/. Дар асоси дастуру супоришҳои Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мавриди супоридани садақаи фитр ба табақаҳои ниёзманди ҷомеа, бахусус ятимону маъюбон намояндагони Кумитаи давлатии идораи замин ва геодезии Ҷумҳурии Тоҷикистон барои кӯдакону наврасони мактаб-интернати ҷумҳуриявии кӯдакони ятим дар ноҳияи Шаҳринав дастархони идона кушода, бо маблағи зиёда аз 10 ҳазор сомонӣ ба онҳо либосҳои варзишӣ тақдим намуданд.
Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода аз номи Ҳукумати Ҷумҳурии Тоҷикистон тарбиятгирандагонро бо фаро расидани Иди саиди Фитр табрик намуда, изҳор дошт, ки иҷрои амалҳои хайру савоб, аз ҷумла, ғамхорӣ зоҳир намудан ба ятимону бепарасторон, пирону эҳтиёҷмандон, маъюбону камбизоатон чун ҳамешагӣ дар мадди назари давлат ва Ҳукумати Ҷумҳурии Тоҷикиистон қарор дорад.
Зикр гардид, ки Пешвои миллат муҳтарам Эмомалӣ Раҳмон ҳамеша ғамхори ятимону бепарасторон мебошад ва дар ҳар вохӯриҳояшон сари ятимонро сила намуда, таъкид менамоянд, ки онҳо худро ятим ҳис накунанд, зеро падару модари онҳо давлат ва Ҳукумати ҷумҳурӣ мебошад.
Имрӯзҳо дар мактаб -интернати ҷумҳуриявии кӯдакони ятим дар ноҳияи Шаҳринав 215 нафар толибилмон таълиму тарбия мегиранд. Дар муассиса тамоми шароитҳо барои зиндагӣ ва таълиму тарбияи онҳо фароҳам оварда шудааст.
Таълимгирандагони мактаб-интернат дар назди меҳмонон барои ғамхории падаронаи Пешвои миллат Эмомалӣ Раҳмон миннатдорӣ баён намуда, зикр карданд, ки ҷавобан ба ин ғамхориҳо онҳо бо тартибу интизоми намунавӣ ва бо донишу хубу аъло таҳсил намуда, ба халқу Ватани худ содиқона хизмат менамоянд.
Воқеан дар ин рӯз шодию нишоти ятимонро ҳадду канор набуд, зеро онҳо ҳамеша аз ғамхориҳои давлату Ҳукумати мамлакат бархӯрдор мегарданд.
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
