Намояндагони ВАО ба инъикоси рафти ҳамоиши МҲТБО дар Душанбе оғоз карданд
ДУШАНБЕ, 15.06.2019 /АМИТ «Ховар»/. Имрӯз дар шаҳри Душанбе панҷумин иҷлоси сарони кишварҳои узви Машварати ҳамкорӣ ва тадбирҳои боварӣ дар Осиё бо иштироки 27 давлати дунё таҳти раёсати Ҷумҳурии Тоҷикистон оғоз мегардад.
Дар ҳошияи кори ҳамоиш мулоқотҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарони як қатор кишварҳои иштирокчӣ оид ба баррасии вазъ ва дурнамои муносибатҳои дуҷониба ва бисёрҷониба дар назар аст.
Тавре мухбири АМИТ «Ховар» аз ҷараёни баргузории Саммит иттилоъ медиҳад, субҳи имрӯз дар макони асосии баргузории ҳамоиши МҲТБО, ки дар «Кохи Наврӯз» баргузор мегардад, барои инъикос аз рафти ин чорабинӣ 650 нафар намояндагони ВАО-и дохилӣ ва хориҷӣ чамъ омадаанд.
Бояд гуфт, ки дар ошёнаҳои якум ва дуюми қисми чапи «Кохи Наврӯз» Маркази матбуотӣ ташкил карда шудааст. Дар маркази мазкур барои 450 нафар ҷойи нишаст мавҷуд буда, ҳамзамон бо 350 компютер ва бо тамоми таҷҳизоти муосир барои пӯшиши рафти кори иҷлос муҷаҳҳаз гардонида шудааст.
Станислав Баграмов шореҳи сиёсии телевизиони «Ӯзбекистон -24», зимни суҳбат зикр намуд, ки ӯ бори аввал нест, ки ба Тоҷикистон, шаҳри Душанбе меояд.
«Мо ба шаҳри Душанбе як сол пеш бо сафари корӣ ташриф оварда будем. Дар давоми як сол дар Душанбе тағйироти зиёд ба чашм мерасанд. Дар шаҳр бунёдкориҳои зиёд, аз ҷумла қомат афрохтани биноҳои навро бо тарҳи ҷолиб мебинем. Хусусан, имрӯз тамоми кӯчаву хиёбонҳои шаҳри Душанбе бо гулдаставу гулсабадҳо оро дода шудаанд, ки ба ман хело писанд омад. Чунин муҳит барои рушди муколама, ки имрӯз баргузор мегардад, хеле муҳим мебошад. Ҷамъомади имрӯза дар ҳақиқат барои ҳалли мушкилоти зиёд дар минтақа, барои муколамаи созанда миёни роҳбарон равона шудааст ва мо имрӯз намояндагони ВАО кӯшиш мекунем, ки ҳама иттилоотро сари вақт ба шунавандаву бинандаи худ расонем»,- зикр намуд С.Баграмов.
Инчунин намоянда аз Вазорати корҳои хориҷии Баҳрайн ва ҳамзамон, корманди бахши матбуотии ин кишвар Мухамад Алӣ зимни суҳбат иброз намуд, ки ин сафари нахустини ӯ ба Тоҷикистон, шаҳри Душанбе мебошад.
« Ба андешаи ман дар Осиёи Марказӣ Душанбе бо табиати нотакрораш зеботарин шаҳр аст»,- зикр намуд ӯ.
Номбурда ҳамчунин иброз дошт, ки дар Баҳрайн Тоҷикистонро ҳамчун давлати соҳибистиқлол мешиносанд ва баргузор намудани чунин як чорабиниро дастовард барои ин мамлакат меҳисобад. Баргузории ин Саммитро оғози муносибат ва рушди ҳамкорӣ байни Баҳрайну Тоҷикистон арзёбӣ менамоям. Бояд зикр намоям, ки давлати мо барои ҳамкорӣ ва рушди муносибатҳои дуҷониба бо Ҷумҳурии Тоҷикистон ҳамеша омода мебошад.
Ибодат ДАВЛАТЗОДА,
Тоҳири САИД,
АМИТ «Ховар»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
