Президенти Шри-Ланка аз Осорхонаи миллии Тоҷикистон дидан намуд
ДУШАНБЕ, 14.06.2019 /АМИТ «Ховар»/. Имрӯз Президенти Ҷумҳурии Демократии Сотсиалистии Шри-Ланка Майтрипала Сирисена, ки барои иштирок дар 5-умин саммити Машварати ҳамкорӣ ва тадбирҳои боварӣ дар Осиё ба шаҳри Душанбе ташриф овардааст, баҳри шиносоӣ бо таъриху фарҳанги халқи тоҷик аз Осорхонаи миллии Тоҷикистон дидан намуд.
Тавре ба мухбири АМИТ «Ховар» аз муассисаи мазкур иттилоъ доданд, меҳмононро дар назди даромадгоҳи асосии бинои Осорхона муовини сарвазири Ҷумҳурии Тоҷикистон Азим Иброҳим ва директори Осорхона Абдувалӣ Шарифзода пешвоз гирифтанд.
Бино ба иттилои манбаъ, аз ҷониби кормандони Осорхонаи миллӣ ба меҳмон дар сатҳи баланди касбӣ бо забони англисӣ сайри осорхонавӣ гузаронида шуд.
Дар ҷараёни сайри осорхонавӣ меҳмон ва ҳайати ҳамроҳонаш бо бозёфтҳои давраҳои гуногуни таърихии халқи тоҷик шинос гардиданд. Меҳмонон тавассути толорҳои экспозитсионии Осорхонаи миллии Тоҷикистон аз таърихи бой ва фарҳанги пурғановати халқи тоҷик бештар огаҳӣ пайдо намуданд.
Мавриди зикр аст, ки Президенти Шри-Ланка Майтрипала Сирисена зимни мусоҳиба бо намояндагони воситаҳои ахбори омма баён намуд, ки дар Тоҷикистон беҳтарин осорхона бунёд гардидааст.
Майтрипала Сирисена ҳамчун рамзи дӯстӣ дар китоби «Меҳмонони фахрӣ»-и Осорхонаи миллии Тоҷикистон таассуроти хешро дарҷ намуд.
Президенти Шри-Ланка Майтрипала Сирисена дар Осорхонаи миллии Тоҷикистон, 14 июни 2019.
РУШДИ САЙЁҲӢ. Дар шаҳри Бӯстон барои ҳунармандони истеҳсолкунандаи армуғон озмун эълон гардид
Нақши тоҷикон дар ташаккул ва рушди Роҳи бузурги Абрешим дар Душанбе баррасӣ шуд
«ДУРАХШИ АХТАРОН: ҶОМӢ ВА НАВОӢ». «Тоҷикфилм» ва «Узбекфилм» санҷиши видеоии ҳунарпешаҳоро барои ин филм оғоз намуданд
«ТОҶИКИСТОН-ВАТАНИ АЗИЗИ МАН». Аз 25 то 30 сентябр даври сеюми озмуни ҷумҳуриявӣ баргузор мегардад
Дар Осорхонаи миллии Тоҷикистон доир ба ҳунарҳои мардумӣ намоиш баргузор мегардад
«ОЗАР». Дар Тоҷикистон бори аввал Фестивали байналмилалии ҳунармандӣ баргузор мегардад
«ҚАДРШИНОСИИ ҲУНАРИ АСИЛ». Дар Душанбе Синамоҷоизаи дуюми миллии «Тоҷи Сомон» доир мегардад
«ТОҶИКОН ДАР ОИНАИ ТАЪРИХ. АЗ ОРИЁН ТО СОМОНИЁН». Ин асари таърихии Пешвои миллат бо забони кореягӣ рӯнамоӣ гардид
«ОБУ НОНАМ, ҶИСМУ ҶОНАМ, ОРМОНАМ, ТОҶИКИСТОН!». Ду шеъри шоир Камол Насрулло эҳдо ба 33-солагии Истиқлолияти давлатии Тоҷикистон
ИСТИҚЛОЛИЯТИ ДАВЛАТӢ. Он барои миллати тоҷик эҳёи навин, ҳосили хиради зотӣ ва подоши сазовори таърихӣ мебошад
«ЗИ ДУРИИ ЗАМОНАҲО РАСИДАЕМ…». Имрӯз аз қабули Суруди миллии Тоҷикистон 30 сол сипарӣ мегардад
Китоби «Қонуни тиб»-и Абуалӣ ибни Сино барандаи Шоҳҷоизаи озмуни байналмилалӣ шуд
