ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН: дар ноҳияҳои Балҷувон ва Ёвон сохтмони 5 бунгоҳи саломатии деҳот оғоз гардид

Июль 15, 2019 15:35

ДУШАНБЕ, 15.07.2019 /АМИТ «Ховар»/. Бо мақсади боз ҳам  обод кардани Тоҷикистон ва ҳалли масъалаҳои иҷтимоии аҳолӣ бо роҳи беҳтар намудани инфрасохтор, пеш аз ҳама, дар соҳаи    тандурустӣ  ва   ба талаботи муосир мутобиқ сохтани сатҳи хизматрасонӣ ва баланд бардоштани некӯаҳволии мардум дар ҳар як деҳа ва маҳалли аҳолинишин  аз ҷониби Пешвои миллат, Президенти Ҷумҳурии Тоҷикистон  солҳои 2019-2021 Солҳои рушди деҳот, сайёҳӣ ва ҳунарҳои мардумӣ эълон гардиданд.  

Дар назар аст, ки давоми се соли минбаъда дар ҳар як деҳа ва маҳалли аҳолинишин бунгоҳҳои тиббӣ, коргоҳҳои дӯзандагӣ, майдончаҳои варзишӣ, қасри фарҳанг, ҳаммом, сартарошхона,  кошонаи ҳусн, пулҳо ва боғҳои фарҳангию фароғатӣ бунёд карда шаванд.

Тавре ба мухбири АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд, давоми 6 моҳи соли равон дар вилояти Хатлон 36 иншооти соҳаи тандурустӣ ба истифода шуданд, ки аз он 17 адад бунгоҳи саломатӣ ва 19 адад маркази саломатии деҳот мебошанд.

Бино ба иттилои манбаъ, айни замон сохтмони 5 адад бунгоҳи саломатии деҳот дар  ноҳияҳои Балҷувон ва  Ёвон оғоз гардида, илова бар ин сохтмони 4 бунгоҳи саломатии деҳот дар шаҳри Норак ва ноҳияи Данғара  идома дорад.

Қобили зикр аст, ки бунёд ва ба истифода додани иншооти тиббӣ маҳз бо дасгирии Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар тамоми гӯшаву канори мамлакат вусъати тоза касб намуда, ҳадаф аз ин иқдом дастрасии бештари аҳолӣ ба хизматрасонии босифат ва саривақтии тиббӣ мебошад.

 

Июль 15, 2019 15:35

Хабарҳои дигари ин бахш

35-СОЛАГИИ ИСТИҚЛОЛИ ДАВЛАТӢ. Дар шаҳри Панҷакент 656 иншоот ба истифода дода шуд
Имрӯз аз таъсиси Хадамоти иҷрои назди Ҳукумати Ҷумҳурии Тоҷикистон 7 сол сипарӣ мешавад
Пагоҳ дар тамоми муассисаҳои тиббии Тоҷикистон ташхиси ройгон гузаронида мешавад
Дар Филиппин Саммити 7-уми глобалии вазирон оид ба бехатарии беморон баргузор гардид
Дар Душанбе даври омӯзишӣ аз рӯи ихтисоси кафшергарӣ оғоз шуд
35-СОЛАГИИ ИСТИҚЛОЛИ ДАВЛАТӢ. Дар ҷамоатҳо ва шаҳраки ноҳияи Мурғоб иншооти ҷашнӣ бунёд мешаванд
Муовини Сарвазири Тоҷикистон бо муовини Сарвазири Узбекистон мулоқот намуд
Меҳмонони Форуми байналмилалии занон Маҷмааи таърихию фарҳангии «Қалъаи Хуҷанд»-ро тамошо намуданд
Дар моҳи апрел ҳаво дар Тоҷикистон чӣ гуна мешавад?
Сарвари давлат Эмомалӣ Раҳмон бо фаъолони соҳаи саноати вилояти Суғд мулоқот намуданд
Пешвои миллат Эмомалӣ Раҳмон дар ноҳияи Бобоҷон Ғафуров ба сохтмони корхонаи ғанигардонии маъдани оҳани ҶСП «Комбинати металлургии тоҷик» санги асос гузоштанд
«НАВРӮЗ — ИДИ ЗАНОНИ ВАҲДАТСАРО». Ин форум занони тоҷик, узбек ва қирғизро дар фазои дӯстӣ ба ҳам овардааст