Баҳодур Усмонов, муштзани маъруфи тоҷик дар Ҷоми Президенти Қазоқистон соҳиби медали биринҷӣ гардид
ДУШАНБЕ, 20.07.2019 /АМИТ «Ховар»/. Шоми 19 июли соли равон қувваозмоиҳои даври нимниҳоии VII Мусобиқаи байналмилалӣ оид ба бокс барои дарёфти Ҷоми Президенти Қазоқистон баргузор шуд. Чемпиони Осиё Баҳодур Усмонов дар вазни 63 кг дар ин давр аз варзишгари мизбон Закир Сафиулин шикаст хӯрда, ҷои сеюмро ишғол ва сазовори медали биринҷӣ гардид. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба мухбири АМИТ «Ховар» Меҳрони Қурбон хабар дод.
Тибқи иттилои манбаъ, Баҳодур Усмонов дар даври аввал озод буд, сипас дар чорякфинал бар варзишгари Қазоқистон Дилмурод Межитов дастболо шуд. Закир Сафиулин дар финал бо варзишгари Ҳиндустон Тапа Шива вомехӯрад.
Дар мусобиқа, ки аз рӯи вазнҳои олимпӣ (8 вазн миёни мардон, 5 вазн миёни бонувон) ҷараён дорад, беш аз 110 муштзан аз 11 кишвар — Алҷазоир, Булғория, Қазоқистон, Қирғизистон, Муғулистон, Россия, Тоҷикистон, Ӯзбекистон, Филиппин, Ҳиндустон ва Чин иштирок доранд.
Баҳодур Усмонов бори аввал дар вазни 63кг муҳориба кард. Ӯ моҳи апрели соли равон дар Чемпионати Осиё дар вазни 64кг ғолиб омада буд. Қувваозмоиҳои финалӣ имрӯз, 20 июл баргузор мешаванд. Ғолибони мусобиқа ҷоизапулӣ дар ҳаҷми 2000 доллари ИМА, барандагони медали нуқра – 1000 доллар ва барандагони медалҳои биринҷӣ 500 доллари ИМА дарёфт мекунанд.
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
