Дар Душанбе оид ба таҳияи маҳсулоти сайёҳӣ ва беҳтар намудани хизматрасониву брендинг ҳамоиш баргузор гардид
ДУШАНБЕ, 05.07.2019 /АМИТ «Ховар»/. Имрӯз дар шаҳри Душанбе бо ҷалби коршиносони байналмилалӣ аз Федератсияи Россия барои кормандони соҳаи сайёҳӣ ва ширкатҳои сайёҳии Тоҷикистон ҳамоиш дар самти таҳияи маҳсулоти сайёҳӣ, беҳтар намудани сифати хизматрасонӣ, брендинги минтақавӣ ва коркарди барномаву стратегияҳо доир гардид. Дар ин бора АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон, ки ташаббускори ҳамоиши мазкур мебошад, хабар медиҳад.
Мақсад аз баргузории он иҷрои дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва татбиқи ҳадафҳои Солҳои рушди деҳот, сайёҳӣ ва ҳунарҳои мардумӣ барои рушди соҳаи сайёҳӣ мебошад.
Дар ҳамоиш роҳҳои муассиру амалишавандаи рушди соҳа, ҷалби сармоягузорон ва сайёҳон баррасӣ гардида, зикр шуд, ки Ҷумҳурии Тоҷикистон иқтидори бузурги сайёҳиро дар минтақа доро мебошад. Ба роҳ мондани хизматрасониҳо ва истифода аз усулҳои муосир ба пешрафти соҳаи сайёҳӣ такони тоза мебахшад.
Иштирокдорони ҳамоиш ҳамчунин ба масъалаҳои сохтани бренди мавеъҳои сайёҳӣ таваҷҷуҳи хоса зоҳир намуда, тазаккур доданд, ки дар баробари ба талабот ҷавобгӯ намудани инфрасохтори сайёҳӣ дар мавзеъҳои таърихӣ, истироҳатӣ, табобатӣ, экологӣ ва монанди инҳо, тарғиботи имкониятҳои сайёҳии Тоҷикистон бо меъёрҳои касбӣ ва ҷолиб дар фазои иттилоотии ҷаҳонӣ басо муҳим ва ҳалкунанда мебошад.
Дар фарҷоми ҳамоиш миёни иштирокдорон ҷиҳати ҷустуҷӯ роҳҳои пешрафти соҳа мубодилаи афкор сурат гирифт.
Ёдовар мешавем, ки ҳамоиш пагоҳ низ идома ёфта, иштирок дар он озод мебошад.
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
