Дар мақомоти Ваколатдор оид ба ҳуқуқи инсон Мусобиқаи ҷумҳуриявӣ оид ба шоҳмот барои дарёфти «Ҷоми Пешвои миллат» доир гардид
ДУШАНБЕ, 06.07.2019. /АМИТ «Ховар»/. Дар мақомоти Ваколатдор оид ба ҳуқуқи инсон дар Ҷумҳурии Тоҷикистон даври аввали Мусобиқа оид ба шоҳмот барои дарёфти «Ҷоми Пешвои миллат» доир гардид. Дар ин бора ба мухбири АМИТ «Ховар» аз Ваколатдор оид ба ҳуқуқи инсон дар Ҷумҳурии Тоҷикистон хабар доданд.
Бино ба иттилои манбаъ, мусобиқа бо иштироки Ваколатдор оид ба ҳуқуқи инсон – Умед Бобозода, намояндаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон – сардовари Мусобиқаи ҷумҳуриявӣ оид ба «Ҷоми Пешвои миллат» Илҳом Юнусов ва кормандони мақомот баргузор гардид.
Дар мусобиқа 8 нафар кормандони мақомот тибқи қуръапартоӣ байни ҳам бозӣ намуда, роҳбари дастгоҳи Ваколатдор оид ба ҳуқуқи инсон дар Ҷумҳурии Тоҷикистон Сафаралӣ Ҳакимиён соҳиби ҷойи аввал гардид.
Дар фарҷоми мусобиқа Умед Бобозода ғолибро бо туҳфаи хотиравӣ сарфароз гардонида, ба роҳбарият ва намояндаи Кумитаи кор бо ҷавонон ва варзиш барои мусоидат дар баргузории мусобиқа миннатдорӣ изҳор намуд.
Ёдовар мешавем, ки мусобиқаи мазкур 4 марҳиларо дар бар гирифта, маҳилаи интихобии якуми он аз 10 июн то 8 июли соли 2019 дар сатҳи маҳал, деҳа, шаҳрак, вазорату идораҳо, ташкилоту муассисаҳо, муассисаҳои олӣ, миёнаи умумӣ ва махсус баргузор мегардад.
Марҳилаи интихобии дуюм аз 10 июл то 25 августи соли 2019 дар сатҳи шаҳру ноҳия бо иштироки дастаҳои ғолиби марҳилаи интихобии якум ва марҳилаи сеюм аз 5 то 25 сентябри соли равон бо иштироки дастаҳои ғолиби марҳилаи дуюм ва марҳилаи чорум аз 1 то 5 октябри соли 2019 дар шаҳри Душанбе баргузор мегардад.
Бояд тазаккур дод, ки Ҷоизаи умумӣ 100 ҳазор сомонӣ пешбинӣ гардидааст. Барои ҷойи якуми даставӣ 30000, ҷойи дуюми даставӣ 25000, ҷойи сеюми даставӣ 20000 ва барои намудҳои инфиродӣ аз рӯи се синн 25000 сомонӣ пешниҳод мегардад.
Мавриди зикр аст, ки имрӯзҳо дар саросари мамлакат бо мақсади таъмини иҷрои дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон Мусобиқаи ҷумҳуриявӣ оид ба шоҳмот барои дарфёти «Ҷоми Пешвои миллат» ҷиҳати рушди шоҳмот дар мамлакат ва ҷалби бештари наврасон ба ин намуди варзиши зеҳнӣ баргузор гардида истодааст.
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
