Фаъолияти маҳфили «Ҷавонони дар хориҷи кишвар таҳсилдошта» густариш меёбад
ДУШАНБЕ, 09.07.2019 /АМИТ «Ховар»/. Пагоҳ, 10 июл дар Донишгоҳи давлатии Хуҷанд ба номи академик Бобоҷон Ғафурови шаҳри Хуҷанд мулоқоти роҳбарияти маҳфили «Ҷавонони дар хориҷи кишвар таҳсилдошта» бо хатмкунандагони муассисаҳои таҳсилоти миёнаи умумии вилояти Суғд доир мегардад.
Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд, дар ҳамоиши мазкур довталабоне, ки ба донишгоҳҳои бонуфузи давлатҳои хориҷӣ дохил шудаанд ва донишҷӯёне, ки ҳоло дар хориҷи мамлакат таҳсил доранд, иштирок менамоянд.
Мақсади мулоқот, пеш аз ҳама, аз муаррифӣ намудани имкониятҳои фароҳамовардаи Ҳукумати Ҷумҳурии Тоҷикистон нисбат ба ҷавононе, ки дар хориҷи ҷумҳурӣ таҳсил менамоянд, иборат мебошад.
Бояд гуфт, ки маҳфили «Ҷавонони дар хориҷи кишвар таҳсилдошта» дар назди Кумитаи кор бо ҷавонон ва варзиши назди Ҳукумати Ҷумҳурии Тоҷикистон соли 2014 дар заминаи дастуру ҳидоятҳои Пешвои миллат муҳтарам Эмомалӣ Раҳмон таъсис дода шудааст. Ҳоло маҳфил дар 16 давлати дунё намояндагии худро дошта, шумораи аъзои он беш аз 30 ҳазор нафарро ташкил медиҳад.
Ёдовар бояд шуд, ки ҳамасола аз ҷониби маҳфил садҳо барномаҳои фарҳангӣ-фароғатӣ, илмӣ- адабӣ ва оммавӣ- варзишӣ ҷиҳати муаррифии Тоҷикистон дар арсаи байналмилалӣ доир карда мешаванд.
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
ТАРЗИ ҲАЁТИ СОЛИМ. Камҳаракатӣ барои пайдоиши бемориҳои гуногун замина фароҳам меорад
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Шахсони дорои масунияти заиф бештар ба зуком гирифтор мешаванд
