ФУТБОЛ: дастаи мунтахаби Тоҷикистон барои иштирок дар Мусобиқаи «Hero Interсontinental Cup 2019» ба Ҳиндустон сафар кард

Июль 6, 2019 10:53

ДУШАНБЕ, 06.07.2019 /АМИТ «Ховар»/. 5  июли соли равон  дастаи футболи  мунтахаби Тоҷикистон   барои иштирок дар Мусобиқаи байналмилалии «Hero Interсontinental Cup 2019» ба Ҷумҳурии  Ҳиндустон сафар кард. Дар ин бора ба мухбири АМИТ «Ховар» аз Федератсияи футболи Тоҷикистон хабар доданд.  

Тибқи иттилои манбаъ, дар мусобиқаи мазкур ширкати дастаҳои мунтахаби Сурия, Кореяи Шимолӣ ва мизбони он — дастаи мунтахаби Ҳиндустон дар назар аст. Нахустин бозии худро шогирдони Усмон Тошев дар мусобиқаи «Hero Interсontinental Cup 2019» 7 июли соли равон бо дастаи мунтахаби Ҳиндустон баргузор мекунанд. Дар даври дуюм футболбозони тоҷик бо дастаи мунтахаби Кореяи Шимолӣ рӯ ба рӯ мешаванд. Бозии ниҳоии хешро дастаи  мунтахаби  Тоҷикистон 15  июли соли 2019  бо дастаи мунтахаби  Сурия доир менамояд.

Хотиррасон мешавем, ки мусобиқаи мазкур дар системаи даврӣ баргузор шуда, дар як давр ҳар як даста байни ҳамдигар бозӣ анҷом медиҳанд. Ҳамин тавр, 19  июли соли равон  ду дастаи беҳтарин дар финал вомехӯранд. Ҳамаи бозиҳо дар варзишгоҳи «ЕКА Arena»-и шаҳри Аҳмадобод, соати 19:30 бо вақти Душанбе баргузор мешаванд.

Бояд зикр кард, ки иштирок дар мусобиқаи «Hero Interсontinental Cup 2019» барои дастаи мунтахаби Тоҷикистон марҳилаи омодагӣ ба даври дуюми интихобии Чемпионати ҷаҳон-2022 ба шумор меравад.

Ҳайати мунтахаби Тоҷикистон дар мусобиқаи «Hero Interсontinental Cup 2019»:

Дарвозабонҳо: Рустам Ятимов («Истиқлол»), Шоҳрух Қирғизбоев («Локомотив-Помир»);

Ҳимоятгарон: Аҳтам Назаров, Искандар Ҷалилов, Зоир Ҷурабоев, Табрези Давлатмир (ҳама – «Истиқлол»), Алишер Баротов («Хатлон»), Сиёвуш Асроров («ПКНП», Малайзия);

Ниммуҳофизатгарон: Амирбек Ҷурабоев, Эҳсони Панҷшанбе, Муҳаммадҷон Раҳимов (ҳама – «Истиқлол»), Кароматулло Саидов («Хатлон»), Отабек Каримов, Илҳомҷон Баротов (ҳарду – «Истаравшан»), Далер Ёдгоров, Шарафҷон Солеҳов (ҳарду – КМВА «Помир»), Нозим Бобоҷонов («Регар-ТадАЗ»);

Ҳамлагарон: Шериддин Бобоев, Шаҳром Самиев, Комрон Турсунов (ҳама – «Истиқлол»), Тоҳир Малодустов («Барқчӣ»).

Сармураббӣ – Усмон Тошев.

Июль 6, 2019 10:53

Хабарҳои дигари ин бахш

ҶОМИ ҶАҲОН-2026. Дастаи мунтахаби наврасони Тоҷикистон (U-17) дастаи Кубаро мағлуб кард
Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд