КАЙ ПОЛИТСИЯ ТАЪСИС МЕЁБАД? Дар Тоҷикистон ислоҳоти милитсия идома дорад
ДУШАНБЕ, 23.07.2019 /АМИТ «Ховар»/. «Дар Тоҷикистон ислоҳоти милитсия идома дорад. Дар ин самт аллакай 60-70% корҳо анҷом дода шудаанд», — гуфт Вазири корҳои дохилии Ҷумҳурии Тоҷикистон Рамазон Раҳимзода имрӯз зимни нишасти матбуотӣ.
Ба иловаи ӯ, ҳанӯз гуфтан барвақт аст, ки оё дар Тоҷикистон соли 2021 политсия мешавад ё на. Вазорат дар иртибот ба ин лоиҳаи қонунро таҳия намуд, ки он дар баррасии Ҳукумати Ҷумҳурии Тоҷикистон қарор дорад.
«Барои татбиқи пурраи ислоҳот 60 миллион доллар зарур аст. Бо мақсади татбиқи сиёсат оид ба ислоҳоти милитсия як қатор тадбирҳои амалӣ андешида шуданд.
«Дар доираи ислоҳоти милитсия Маркази санҷишӣ барои кормандони милитсия ҷиҳати гузаронидани санҷиши сатҳи саводнокӣ ҳангоми ба кор қабул шудан, гузаронидан аз як мансаб ба мансаби дигар, додани рутбаи ҳарбӣ, пешниҳод ба мукофотҳои давлатӣ таъсис дода шуд. Инчунин 35 шӯрои ҷамъиятӣ оид ба мусоидати ҷомеаи шаҳрвандӣ дар ислоҳоти милитсия таъсис дода шуд, ки бо тамоми мақомоти иҷроияи ҳокимияти давлатӣ ва сохторҳои ҷамъиятӣ дар саросари мамлакат ҳамкорӣ мекунанд. Биноҳои маъмурии мақомоти корҳои дохилӣ дар саросари ҷумҳурӣ бо камераҳои назоратӣ муҷаҳҳаз шудаанд, ки ба шаффофияти кори кормандон боис мегардад. Дар доираи ислоҳоти милитсия телефони боварии Вазири корҳои дохилӣ ташкил шуда, инчунин дар вилоятҳо ва шаҳрҳои калон телефонҳои боварии сардорони РВД фаъоланд», — тазаккур дод Вазири корҳои дохилӣ.
Ёдовар мешавем, ки дар доираи ислоҳоти милитсия дар Тоҷикистон се санади муҳим таҳия ва қабул карда шуданд: Стратегияи ислоҳоти милитсия барои солҳои 2013-2020, Барномаи ислоҳоти (рушди) милитсия барои солҳои 2014-2020 ва Нақшаи чорабиниҳо барои татбиқи барнома барои солҳои 2013-2020.
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
