Мушкилоти норасоии оби нӯшокӣ дар маркази ноҳияи Тоҷикободро кӣ ҳал мекунад?
ТОҶИКОБОД, 16.07.2019 /АМИТ «Ховар»/. Сокинони Ҷамоати деҳоти Қалъаи лаби оби маркази ноҳияи Тоҷикобод солҳои тӯлонист, ки аз нарасидани оби нӯшокӣ, махсусан дар фасли зимистон азоб мекашанд. Онҳо барои гирифтани оби тозаи нӯшокӣ соатҳо интизор мемонанд. Хатҳои оби нӯшокии Кӯҳдоман бо масофаи 8 км ва Себистон бо масофаи 12 км даҳсолаҳо мешавад, ки қисман оби нӯшокии маркази ноҳияро таъмин менамоянд. Имрӯзҳо аз сабаби кӯҳнаю фарсуда шудани лӯлаҳои ин хатҳои оби нӯшокӣ талаботи шаҳрвандон бо об пурра қонеъ намегардад.
Мутаассифона, дар буҷаи Ҷамоати деҳоти Қалъаи лаби об барои таъмини аҳолӣ бо оби нӯшокӣ ва таъмиру тармими хатҳои обӣ нӯшокӣ маблағ пешбинӣ нагардидааст, аз ин рӯ маъмурияти ҷамоат имконияти бартараф кардани чунин норасоиҳоро надорад. Новобаста ба ин ҳолат онҳо бо роҳи ҳашар дар ҳамкорӣ бо кормандони Хоҷагии манзилию коммуналии ноҳия мунтазам лӯлаҳои фарсудаи ин хатҳои обро таъмири ҷорӣ менамоянд.
Масъулини мақомоти иҷроияи ҳокимияти давлатии ноҳияи Тоҷикобод мегӯянд, ки дар асоси супоришҳои Пешвои миллат муҳтарам Эмомалӣ Раҳмон ҷиҳати таъмин намудани сокинони ноҳия бо оби нӯшокӣ, ки соли 2016 зимни сафари кориашон ба ноҳияҳои Сангвор, Нуробод, Тоҷикобод, Лахш, Рашт ва деҳоти Сағирдашти ноҳияи Дарвози ВМКБ дода буданд, лоиҳаи хати оби нӯшокиро аз мавзеи Валвала бо масофаи 20 км омода намудаанд, вале аз сабаби пайдо нагардидани сарчашмаҳои маблағгузорӣ то имрӯз ин лоиҳа амалӣ нашудааст.
Ин аст, ки мушкилоти оби нӯшокии маркази ноҳия, махсусан дар фасли зимистон ташвишовар боқӣ мемонад. Маркази ноҳияи Тоҷикобод 2440 нафар аҳолӣ ва 32 ташкилоту муассиса дорад, ки ҳамагӣ ба мушкилоти норасоии оби нӯшокӣ гирифторанд.
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
