Панҷ голи Дилшод Восиев ба дастаи «Хуҷанд» пирӯзӣ овард

Июль 1, 2019 15:45

ДУШАНБЕ 01.07.2019. /АМИТ «Ховар»/. Дирӯз бозии мавқуфмондаи даври 9-уми Чемпионати Тоҷикистон миёни дастаҳои  футболи «Хуҷанд»-и  Хуҷанд ва «Панҷшер»-и Ҷалолиддини Балхӣ дар варзишгоҳи «20- солагии Истиқлолият»-и Тоҷикистони шаҳри Хуҷанд  бо ғалабаи калони соҳибони майдон ҷамъбаст шуд. Дар ин бора аз Федератсияи футболи Тоҷикистон ба мухбири АМИТ «Ховар» хабар доданд.

Тибқи иттилои манбаъ, ҳамлагари дастаи  футболи «Хуҷанд» Дилшод Восиев дар ин вохӯрӣ панҷ дафъа ба задани гол даст ёфта, ба истилоҳ «пента-трик» анҷом дод. Ҳамлагари дигари мизбонон Турсуналӣ Рустамов   се голро  ба ҳадаф расонид. Як тӯби дигар ба ҳимоятгар Фирдавс Чақалов рабт дорад. Шогирдони Виталий Левченко бо ин пирӯзии калон ба зинаи дуюми ҷадвал баромаданд. Ҳоло дар ҳисоби онҳо баъди 10 бозӣ 17 хол аст.

Ёдовар мешавем, ки дар вохӯрии дигари  мавқуфмондаи даври 9-уми Чемпионати мамлакат    дастаи футболи  «Истаравшан»-и  Истаравшан бар  дастаи «Регар ТадАЗ»-и Турсунзода  ғолиб омад. Ин вохӯрӣ    дирӯз дар варзишгоҳи шаҳри Истаравшан баргузор шуда, бо ҳисоби 2:1 ҷамъбаст гардид. Дар дақиқаи 20-уми рақобат Қаҳрамон Ҳомидов ҳисобро боз кард. Вале дар дақиқаи 42-уюми вохӯрӣ ҳамлагари дастаи меҳмонон Акбар Шелдорӣ ҳисобро баробар намуд. Соҳибони майдон дар дақиқаи 43-юм боз ба пеш баромаданд. Ба ҳамин тартиб дастаи футболи «Истаравшан» бо 11 хол мавқеи худро дар зинаи шашуми ҷадвал мустаҳкамтар кард. 

Лигаи олӣ. Бозии мавқуфмондаи даври 9-ум

«Хуҷанд» — «Панҷшер» — 9:0

Голҳо: Дилшод Восиев, 4 (1:0). Дилшод Восиев, 14 (2:0). Турсуналӣ Рустамов, 16 (3:0). Турсуналӣ Рустамов, 18 (4:0). Турсуналӣ Рустамов, 23 (5:0). Дилшод Восиев, 30 (6:0). Дилшод Восиев, 50 (7:0). Фирдавс Чақалов, 63 (8:0). Дилшод Восиев, 68 — аз пеналти (9:0).

«Истаравшан» — «Регар ТадАЗ» — 2:1

Голҳо: Қаҳрамон Ҳомидов, 20 (1:0). Акбари Шелдорӣ, 42 (1:1). Насим Расулов, 43 (2:1).

Июль 1, 2019 15:45

Хабарҳои дигари ин бахш

ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт
Мусобиқаи байналмилалӣ оид ба камонварӣ ҷамъбаст гардид
Тоҷикистон дар Бозиҳои сеюми кишварҳои аъзои ИДМ соҳиби мақоми ҳафтум гардид
ҶОМИ ОСИЁ-2027. Имрӯз дастаи мунтахаби Тоҷикистон дар даври интихобӣ бо тими Малдив бозӣ мекунад
БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад
ФУТБОЛ. Дастаи мунтахаби Тоҷикистон дар Варзишгоҳи марказии Ҳисор бо дастаи Малдив бозӣ мекунад
Муҳиддин Асадуллоев дар Чемпионати ҷаҳон оид ба ҷудо байни ҷавонон дар Перу сазовори медали тилло гардид
Варзишгарони тоҷик дар Бозиҳои сеюми ИДМ дар Озарбойҷон соҳиби 18 медал гардиданд
Дастаи «Соро компания» барандаи чоркаратаи Суперҷоми Тоҷикистон оид ба футзал шуд
Се варзишгари навраси тоҷик аз намуди бокс ба даври ниҳоии Бозиҳои сеюми кишварҳои ИДМ роҳ ёфтанд
ФУТБОЛ. Шервонӣ Мабатшоев ва Алишер Тухтаев беҳтарин бозингар ва мураббии моҳи сентябр дониста шуданд