Вазири маориф ва илм: 30 ҳазор донишҷӯи тоҷик дар муассисаҳои олии хориҷа таҳсил доранд
ДУШАНБЕ, 19.07.2019. /АМИТ «»Ховар»/. Айни замон 30 ҳазор нафар донишҷӯи тоҷик дар хориҷи мамлакат таҳсили илм доранд. Зиёда аз 90 фоизи онҳо дар гурӯҳҳои буҷавӣ таҳсили илм менамоянд. Матлаби мазкурро имрӯз, 19 июл Вазири маориф ва илми Ҷумҳурии Тоҷикистон Нуриддин Саид зимни нишасти матбуотии ин ниҳод баён дошт.
Бино ба гуфти вазир, донишҷӯёне, ки аз Ҷумҳурии Тоҷикистон ба донишгоҳҳои давлатҳои дигар фиристода мешаванд, бо шаҳрвандони онҳо ҳуқуқи баробар доранд.
«Интиқоли донишҷӯён аз хориҷи мамлакат ба дохил ва аз ҷумҳурӣ ба дигар давлатҳо танҳо ба зиммаи Вазорати маориф ва илм вогузор шудааст. Донишҷӯ варақаи имтиҳонии академии худро бо забони давлатии тоҷикӣ пешниҳод менамояд. Он аз ҷониби масъулини вазорат баробарарзиш карда шуда, муайян мегардад, ки барномаи таълимии азхудкардаи донишҷӯ ба кадом курсу ихтисос мувофиқат мекунад. Сипас Вазорати маориф ва илм фармони таҳсилашро дар ин ё он донишгоҳ мебарорад»,- иброз дошт Нуриддин Саид.
Тавре ӯ зикр намуд, волидоне ҳастанд, ки маблағ доранд, аммо хондани фарзандонашонро назорат намекунанд. Онҳо ба воситаи Маркази миллии тестии назди Президенти Ҷумҳурии Тоҷикистон ба донишгоҳҳои мамлакат дохил шуда наметавонанд, зеро соҳиби холи зарурӣ намешаванд.
«Онҳо дар дигар давлатҳо ба ихтисосҳои серталаб, ба мисли ҳуқуқшинос, иқтисоди байналмилалӣ, умури бонкдорӣ тариқи шартномавӣ дохил мешаванд. Он ҷо як сол таҳсил мекунанд ва ба Ватан баргаштан мехоҳанд. Вале мо хоҳиши онҳоро рад мекунем, зеро агар онҳо саводи кофӣ дошта бошанд, дар ин ҳол бояд тариқи Маркази миллии тестӣ ба ин ё он муссисаи олии мамлакат дохил шаванд», -баён дошт Вазири маориф ва илм.
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
Дар Душанбе бо иштироки олимону зиёиёни Тоҷикистон ва Узбекистон конференсияи байналмилалӣ баргузор шуд
Дар доираи Ҳафтаи илм оид ба мероси уран дар Осиёи Марказӣ конфронси байналмилалӣ баргузор гардид
ИМРӮЗ-РӮЗИ ҶАҲОНИИ ҲИФЗИ ЁДГОРИҲОИ ТАЪРИХИЮ ФАРҲАНГӢ. Дар Тоҷикистон зиёда аз 100 ёдгории таърихиву фарҳангӣ тармиму барқарор гардид
Дар Қасри фарҳанги ноҳияи Варзоб ба алоқамандони синамо филми ҳунарии «Таҳаввулот» намоиш дода шуд
