Вазорати нақлиёти ҷумҳурӣ дар деҳаи Дерзуди ноҳияи Рӯшон майдончаи футбол бунёд мекунад

Июль 31, 2019 15:00

ХОРУҒ, 31.07.2019. /АМИТ «Ховар»/. Бо маблағгузории Вазорати нақлиёти Ҷумҳурии Тоҷикистон зери як кӯҳдомани  деҳаи Дерзуди ноҳияи Рӯшон майдончаи хурди футбол бунёд карда мешавад. Дарозии ин майдонча 50 метр буда, паҳноияш  25 метр мебошад. Қарор аст, ки он дар ҷашни 28-умин солгарди истиқлолияти давлатӣ мавриди баҳрабардорӣ қарор гирад.

Ба гуфтаи  роҳбари дастгоҳи раиси ноҳияи мазкур Маҷид Маҷидов, «доштани чунин майдончаи футболро наврасону ҷавонони деҳа солҳои тӯлонӣ орзу доштанд ва ҳоло ин орзу ҷомаи амал мепӯшад. Солҳои пеш онҳо дар фасли тобистон имкон надоштанд, ки ба бозии футбол машғул шаванд. Зеро аксари қитъаи замини ҳамвор зери кишт буд ва танҳо пас аз ҷамъоварии ҳосил ҷавонон рӯи он футбол бозӣ мекарданд».

Роҳбари дастгоҳи раиси ноҳия гуфт, ки сохтмони боз як майдони футбол дар маркази ноҳия идома дорад ва он ба   меъёрҳои замони муосир ҷавобгӯ мебошад.

Ҷавонони деҳа, ки аксарияташон дар донишгоҳҳои ҷумҳурӣ ва берун аз он таҳсил мекунанд, дар таътил ба деҳаи худ баргашта, аз бунёди чунин майдонча изҳори хушҳолӣ намуданд. Ба гуфтаи онҳо, сол аз сол футболи хурд миёни ҷавонон ҳаводорони зиёде пайдо кардааст ва барои пайдо кардани футболбозони касбӣ заминаи хуб мегузорад.

Роҳбари дастгоҳи раиси ноҳия гуфт, ки дар канори ин майдонча барои кӯдакони деҳа маркази дилхушӣ бунёд карда мешавад.

 

Июль 31, 2019 15:00

Хабарҳои дигари ин бахш

Дар Душанбе мусобиқаи байналмилалии Гран – Слам оид ба гӯштини ҷудо баргузор мегардад
Дар Данғара мусобиқаи кушоди анъанавии ҷумҳуриявӣ оид ба гӯштини миллӣ баргузор мегардад
ФУТБОЛ. Дастаи олимпии Тоҷикистон (U-23) рӯзи сеюми тамринҳоро дар Давҳа ба анҷом расонид
ҶОМИ ОСИЁ-2024. Дар Федератсияи футболи Тоҷикистон вохӯрӣ доир гардид
ФУТБОЛ. Бозиҳои даври аввали Чемпионати Тоҷикистон 2024 байни дастаҳои Лигаи олӣ оғоз мешаванд
ФУТБОЛ. «Истиқлол» дар бозии дӯстона дастаи «Регар-ТадАЗ»-ро мағлуб намуд
Сомон Турсунзода дар Мусобиқаи байналмилалӣ оид ба ҷудо дар Узбекистон соҳиби медали тилло гардид
Паҳлавонони тоҷик дар мусобиқаи «Antalya Grand Slam 2024» ду медал ба даст оварданд
ФУТБОЛ. Чаҳор довар аз Тоҷикистон дар қисми финалии Ҷоми Осиё-2024 (U-23) ҳакамӣ менамоянд
Волейболбозони дастаи мунтахаби ноҳияи Шуғнон соҳиби Ҷоми Раиси вилоят шуданд
ФУТБОЛ. Дастаи «Регар-ТадАЗ» ҳайаташро бо собиқ бозингарони бошгоҳҳои «Мартиму» ва «Брага»-и Португалия пурқувват намуд
ҶОМИ ОСИЁ-2024. Дастаи мунтахаби олимпии Тоҷикистон (U-23) оид ба футбол пеш аз мусобиқа дар Давҳа ҷамъомади таълимиву тамринӣ мегузаронад