ФУТБОЛ: «Истиқлол», «Ҳулбук», «Хуҷанд» ва «Регар-ТадАЗ» ба нимфинали Ҷоми Тоҷикистон роҳ ёфтанд

Август 29, 2019 08:50

ДУШАНБЕ, 29.08.2019 /АМИТ «Ховар»/. Бозиҳои ҷавобии чаҳорякниҳоии Ҷоми Тоҷикистон-2019 оид ба футбол, ки   27 август баргузор шуданд, чаҳор дастаи ширкаткунандаи даври нимфиналиро муайян карданд. Дар ин бора  мухбири АМИТ «Ховар»  Меҳрони ҚУРБОН   бо истинод ба  Федератсияи  футболи Тоҷикистон хабар  медиҳад.  

Тибқи иттилои манбаъ, дастаи  футболи «Истиқлол»-и Душанбе дар майдони худ бар дастаи «Эсхата»-и Хуҷанд бо ҳисоби 6:0 пирӯз шуд. Футболбозони  «Хуҷанд»-и Хуҷанд низ дар майдони худ дастаи  «Хатлон»-и Бохтарро бо ҳисоби 1:0 мағлуб сохтанд. Дастаи футболи «Регар-ТадАЗ»-и Турсунзода бар дастаи меҳмон – КМВА «Помир»-и Душанбе бо ҳисоби 2:1 ғалаба кард. Дастаи  футболи  «Дӯстӣ»-и Ҷайҳун бозиро дар майдони худ бо  дастаи «Ҳулбук»-и Восеъ бо ҳисоби мусовии 2:2 ба поён расонид.

Ба ин тартиб, аз рӯи натиҷаи  ду бозӣ чаҳор дастаи ғолиб ба даври нимфиналӣ роҳ пайдо карданд. Дар бозиҳои нимфиналии Ҷоми Тоҷикистон  дастаҳои  футболи  «Истиқлол» бо «Ҳулбук» ва «Хуҷанд» бо «Регар-ТадАЗ» рақобат мекунанд. Бозиҳои аввали нимфиналӣ 1 октябр, бозиҳои ҷавобӣ 2-3 ноябр доир мегарданд.

Ҷоми Тоҷикистон-2019

1/4 финал. Бозиҳои ҷавобӣ

«Истиқлол» – «Эсхата» – 6:0

Голҳо: Аҳтам Назаров, 31 (1:0). Алишер Ҷалилов, 33 (2:0). Шериддин Бобоев, 50 (3:0). Шериддин Бобоев, 58 (4:0). Искандар Ҷалилов, 76 (5:0). Муҳаммад Ҳакимзода, 84 (6:0).

Сардовар: Сайёдҷон Зайниддинов (Душанбе).

27 август. Душанбе. Варзишгоҳи марказии ҷумҳуриявӣ. 150 тамошобин.

Бозии аввал – 2:1.

«Хуҷанд» – «Хатлон» – 1:0

Гол: Дилшод Бозоров, 83.

Сардовар: Абдурашид Муродов (Турсунзода).

27 август. Хуҷанд. Варзишгоҳи «20-солагии Истиқлолияти Тоҷикистон». 2000 тамошогар.

Бозии аввал – 2:0.

«Регар-ТадАЗ» – ССКА «Помир» – 2:1

Голҳо: Вахдат Ханонов, 1 (0:1). Алишер Холмуродов, 71 (1:1). Диловаршо Ғаниев, 74 (2:1).

Сардовар: Гулмуроди Саъдулло (Душанбе).

27 август. Турсунзода. Варзишгоҳи «ТАЛКО-Арена».

Бозии аввал – 1:1.

«Дӯстӣ» – «Ҳулбук» – 2:2

Голҳо: Шараф Саидов, 11 (0:1). Насим Маҳмадқулов, 36 (0:2). Рустам Муродов, 42 (1:2). Эроншо Равенов, 45 (2:2).

27 август. Ҷайҳун. Варзишгоҳи марказӣ. 1500 тамошобин.

Бозии аввал – 1:2.

1/2 финал. Бозиҳои аввал

1 октябр (сешанбе)

«Истиқлол» – «Ҳулбук»

«Хуҷанд» – «Регар-ТадАЗ»

1/2 финал. Бозиҳои ҷавобӣ

2-3 ноябр (шанбе, якшанбе)

«Ҳулбук» – «Истиқлол»

«Регар-ТадАЗ» – «Хуҷанд»

Август 29, 2019 08:50

Хабарҳои дигари ин бахш

Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд