«Ливерпул» баъди мағлуб намудани дастаи «Челси» барандаи Суперҷоми УЕФА-2019 гардид

ДУШАНБЕ, 15.08.2019 /АМИТ «Ховар»/. Шаби  13 ба 14 августи соли равон ғолибони Лигаи чемпионҳо ва Лигаи Аврупо-  дастаҳои  футболи «Ливерпул» ва «Челси»-и Англия  дар бозии Суперҷоми УЕФА вориди майдони рақобат шуданд. Идомаи мавзӯъро шореҳи варзиши АМИТ «Ховар» Меҳрони ҚУРБОН   шарҳ медиҳад. 

Вохӯрии дастаҳо дар варзишгоҳи «Водафон Арена»-и шаҳри  Истанбул дар сатҳи баланду хотирмон баргузор шуд. Вақти асосии бозӣ бо ҳисоби мусовии 1:1 хотима ёфт. Барои муайян намудани дидор довар маҷбур шуд, ки ду қисми 15-дақиқагӣ илова намояд. Дар вақтҳои иловагии бозӣ низ ғолиб муайян нашуд ва тақдири ин рақобати ҷолибро силсилазарбаҳои пеналти ҳал карданд.

Дар силсилазарбаҳои пеналти дастаи  футболи  «Ливерпул» бо ҳисоби 5:4 дастболо шуда, барандаи Суперҷоми УЕФА-2019 гардид. Ҳамин тавр,  дастаи «Ливерпул» мавсимро бо ба даст овардани ҷоиза шурӯъ намуд, барои  дастаи футболи «Челси»  мавсими аллакай бебарор оғоз шуд.

Суперҷоми УЕФА-2019

«Ливерпул» — «Челси» — 2:2 в.и. (0:1, 1:0, 1:1). Пеналти — 5:4

 Голҳо: Жиру, 36 (0:1). Мане, 48 (1:1). Мане, 95 (2:1). Жоржиню, 101 — пенальти (2:2).

 Пеналти: Роберту Фирмину — 1:0. Жоржиню — 1:1. Фабиню — 2:1. Баркли — 2:2. Ориги — 3:2. Маунт — 3:3. Александр-Арнолд — 4:3. Эмерсон — 4:4. Салоҳ — 5:4. Абраҳам — 5:4 (дарвозабон).

 «Ливерпул»: Адриан, Гомес, Матип, ван Дейк, Робертсон (Александр-Арнолд, 91), Фабиню, Хендерсон, Милнер (Вайналдум, 64), Окслейд-Чемберлен (Роберту Фирмину, 46), Салоҳ, Мане (Ориги, 103).

 «Челси»: Аррисабалага, Аспиликуэта, Зума, Кристенсен (Томори, 85), Эмерсон, Жоржиню, Канте, Ковачич (Баркли, 101), Пулишич (Маунт, 74), Жиру (Абраҳам, 74), Педро.