ОБ ЗАХИРА КУНЕД! Бинобар корҳои таъмирӣ дар баъзе кӯчаю маҳаллаҳои шаҳри Душанбе интиқоли оби ошомиданӣ муваққатан қатъ мегардад

ДУШАНБЕ, 13.08.2019. /АМИТ «Ховар»/. Аз сабаби  оғоз гардидани корҳои  пайвастсозии  шоҳқубури хобонидашудаи қутраш 900 мм ба шоҳқубури амалкунандаи қутраш 900 мм дар кӯчаи Карамови пойтахт  ба муҳлати як шабонарӯз,  аз соати 23:00–и 14 август то соати 23:00–и 15 августи соли равон интиқоли оби  ошомиданӣ   дар баъзе кӯчаҳои  шаҳри Душанбе муваққатан қать карда ммешавад. Дар ин бора аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд.

Гуфта мешавад, ки интиқоли оби ошомиданӣ дар ноҳияи Исмоили Сомонӣ  — маҳаллаи Гулистон, кӯчаҳои П.Толис, Гагарин, Ҳ.Ҳакимзода, Карамов (аз хиёбони Рӯдакӣ то хиёбони Ҳ.Шерозӣ), Фирӯз, С.Ғанӣ, Беморхонаи ҷумҳуриявӣ, Шаҳрчаи тандурустӣ ва Боғи Ирам ва ноҳияи Сино — маҳаллаҳои 11, 12, 13, 14, 15, 15а, 82, 83, 84, 91, 92, 101, 102, 103, 104, 112, Зарафшон 1, Зарафшон 2, Испечак 1, Испечак 2, Испечак 3, Муҳандис, Меҳробод, Мир Саид Али Ҳамадонӣ, Навободи боло, Навободи поён, Буни Ҳисорак, Деҳи боло, Панҷрӯд, Ободкорон, Бунёдкорон, Лучоби боло, Лучоби поён, Комсомол, Қазоқон 1, Қазоқон 2, Мовароуннаҳр, Камонгарон, Шишхона, Ҳаёти нав ва кӯчаи Бобо Ҳамдам муваққатан қатъ мегардад.

Ба иттилои манбаъ, тибқи қарори дахлдор, раисони ноҳияҳои Исмоили Сомонӣ, Сино ва директори Корхонаи воҳиди давлатии «Обу корези Душанбе» вазифадор гардидаанд, ки дар давраи иҷрои корҳои ба нақша гирифташуда бо истифода аз мошинҳои обкаш сокинони минтақаҳои номбурдаро бо оби нӯшокӣ таъмин намоянд.

«Маркази назорати давлатии санитарию эпидемиологии шаҳри Душанбе уҳдадор гардидааст, ки дар ҷараёни иҷрои корҳои таъмирӣ, таъмини аҳолиро бо оби нӯшокӣ мутобиқ ба талаботи санитарию эпидемиологӣ таҳти назорат қарор диҳад»,- афзуд манбаъ.

Мақомоти иҷроияи ҳокимияти давлатии шаҳри Душанбе аз истиқоматкунандагони маҳаллаю кӯчаҳои зикргардида хоҳиш  менамояд, ки миқдори зарурии оби нӯшокиро  барои як шабонарӯз захира намоянд.