ОБУ ҲАВО: имрӯз дар Тоҷикистон ҳаво номусоид мешавад

ДУШАНБЕ, 30.08.2019. /АМИТ «Ховар»/. Аз 30 август то 2 сентябри соли равон дар ҷумҳурӣ номусоидии ҳаво дар назар аст. Дар ин рӯзҳо дар ноҳияҳои алоҳида, ба истиснои Вилояти Мухтори Кӯҳистони Бадахшон шамол аз самти ғарб бо шиддати то 17-22 м/с вазида, дар вилояти Хатлон ва ноҳияҳои марказии ҷумҳурӣ тўфони чангу ғубор ба амал меояд. Пастшавии ҳарорати рўзонаи ҳаво дар ноҳияҳо то 6-8 дараҷа пешбинӣ мешавад. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳавои тағйирёбандаи бебориш дар назар аст.  Шамол аз шарқ бо гузариш ба самти ғарб бо  суръати 3-8  метр дар як сония  мевазад. Ҳаво дар ғарби вилоят шабона 11+16 ва рӯзона 26+31 дараҷа  гарм мешавад. Дар шарқи вилоят  ҳаво шабона 1-6 ва  рӯзона 14+19  дараҷа  гарм мешавад.

Ҳаво дар вилояти Суғд  тағйирёбандаи бебориш мешавад.  Шамол аз самти шарқ бо гузариш ба ғарб бо  суръати 3-8  ва дар баъзе ноҳияҳо бо шиддати то 13-18 метр дар як сония  мевазад. Ҳаво дар водиҳо шабона 15+20 ва рӯзона 27+32 дараҷа гарм мешавад. Дар ноҳияҳои кӯҳӣ ҳаво шабона 7+12  ва   рӯзона    20+25  дараҷа гарм мешавад.

Дар вилояти Хатлон  ҳавои камабри  бебориш дар назар аст. Шамол аз шарқ бо гузариш ба самти ғарб бо суръати 3-8 ва дар баъзе ноҳияҳо бо шиддати то 17-22 метр дар як сония мевазад. Тӯфони  чангу ғубор ба амал меояд. Ҳаво дар водиҳо шабона 17+22 ва рӯзона 31+36  дараҷа гарм мешавад. Дар  доманакӯҳҳо ҳаво шабона 14+19 ва рӯзона 26+31  дараҷа гарм мешавад.

Дар шаҳру ноҳияҳои тобеи марказ ҳаво камабри бебориш мешавад. Шамол аз шарқ бо гузариш ба самти ғарб бо суръати 3-8 ва дар баъзе ноҳияҳо бо шиддати то 13-18   метр дар як сония  мевазад.  Ҳаво  дар водиҳо  шабона 13+18  ва рӯзона 30+35  дараҷа гарм мешавад. Дар  ноҳияҳои кӯҳӣ ҳаво шабона 10+15 ва рӯзона 26+31 дараҷа гарм мешавад.

Дар  шаҳри Душанбе ҳавои камабри бебориш дар назар аст. Шамол аз шарқ бо гузариш ба самти ғарб бо   суръати 2-7 метр дар як сония   мевазад. Ҳаво шабона 13+15 ва  рӯзона 33+35  дараҷа гарм мешавад.