Паҳлавонони тоҷик барои иштирок дар марҳилаи аввали давраи машқи фишурда ба Япония сафар намуданд
ДУШАНБЕ, 14.08.2019 /АМИТ «Ховар»/. Кумитаи миллии олимпии Ҷумҳурии Тоҷикистон дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи дзюдои Ҷумҳурии Тоҷикистон дастаи мунтахаби Тоҷикистон оид ба дзюдоро дар ҳайати 6 нафар варзишгар – Хайёмиддин Ҷабборов, Беҳрӯз Хоҷазода, Акмал Муродов, Комроншоҳ Устопириён, Темур Раҳимов, Муҳаммадҷон Абдуҷалилов бо роҳбарии мураббӣ Владимир Елчанинов 12 август ҷиҳати иштирок дар марҳилаи аввали давраи машқи фишурда ба шаҳри Аомории Япония гусел намуд. Ҷамъомади мазкур аз 12 то 23 август баргузор мегардад. Дар ин бора шореҳи варзиши телевизиони «Варзиш» Муродалӣ Тешаев ба мухбири АМИТ «Ховар» хабар дод.
Тибқи иттилои мавсуф, ин тадбири варзишӣ дар асоси Ёддошти тафоҳум миёни Кумитаи миллии олимпии Тоҷикистон ва шаҳри Аомории Япония роҳандозӣ мешавад, ки зимни сафари расмии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Президенти Кумитаи миллии олимпии Тоҷикистон Эмомалӣ Раҳмон ба Япония 5 октябри соли 2018 ба имзо расида буд.
Тибқи санади мазкур, ҳокимияти маҳаллии шаҳри Аомори бо дарназардошти захира ва имкониятҳои ҷойдошта барои аз ҷиҳати равонию ҷисмонӣ омодагии ҳамаҷониба дидан дар давраи пеш аз Бозиҳои тобистонаи олимпии XXXII ва паралимпии Токио-2020 метавонад ҳайати варзишгарони тоҷикро ба машқи ройгон фаро гирад.
Давраҳои тамрини фишурда дар ду марҳила амалӣ мегарданд. Баргузории марҳилаи якуми давраи тамрини фишурда аз 11 август то 21 сентябри соли 2019 ба нақша гирифта шуда, марҳилаи дуюми он моҳи июни соли 2020 — як моҳ қабл аз оғози Бозиҳои 32-юми тобистонаи олимпӣ ва паралимпии Токио-2020 барпо мегардад.
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
