Ҷамшед Исоев дар Чемпионати Осиё оид ба шоҳмот соҳиби медали тилло гардид
ДУШАНБЕ, 18.09.2019 /АМИТ «Ховар»/. Шоҳмотбози шинохтаи тоҷик, чемпиони Тоҷикистон дар соли 2019 Ҷамшед Исоев дар Чемпионати Осиё оид ба шоҳмот миёни калонсолон медали тилло ба даст овард. Дар ин бора ба АМИТ «Ховар» намояндаи расмии Кумитаи миллии олимпии Тоҷикистон Умаралӣ Сафаралӣ хабар дод.
Тибқи иттилои манбаъ, Чемпионати Осиё оид ба шоҳмот миёни калонсолон дар ду синн–аз 50-сола ва аз 65-сола боло аз рӯи се равия – рапид, классикӣ ва блитс аз 8 то 18 сентябри соли равон дар шаҳри Алмаатои Қазоқистон баргузор шуд. Дар мусобиқа 70 шоҳмотбоз аз 16 давлати қора иштирок карданд.
Ҷамшед Исоев, ягона намояндаи Тоҷикистон миёни иштирокчиёни аз 50-сола боло дар равияи блитс ҷои якумро ишғол кард. Ӯ аз 9 холи имконпазир 8 хол ба даст овард. Дар 7 бозӣ бар намояндагони Қазоқистон (4 нафар), Эрон, Сурия, Қирғизистон ғалаба карда, ду бозиро бо шоҳмотбозони Қазоқистон ва Қирғизистон мусовӣ анҷом дод. Дар ин равия Азиз Умарбеков аз Қирғизистон бо 8 хол ҷои дуюм, Серикбай Темирбаев аз Қазоқистон ҷои сеюмро ишғол намуданд.
Ҷамшед дар равияҳои рапид ва классикӣ низ бозӣ намуд, вале бахт омад накард. Дар равияи рапид бо 4 хол дар ҷои 16-ум, дар шоҳмоти классикӣ бо 5 хол дар ҷои 9-ум мавқеъ ёфт. Ба варзишгароне, ки дар шоҳмоти классикӣ (аз 50-сола боло то ҷои 6-ум, аз 65-сола боло то ҷои 5-ум)-ро сазовор шуданд, ҷоизапулӣ дар ҳаҷми аз 100 то 500 доллари ИМА тақдим гардид.
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
