Бо қарори Раиси шаҳри Душанбе ҷиҳати расонидани кумаки моддӣ ба шахсони ниёзманд 4 миллиону 945 ҳазору 800 сомонӣ ҷудо гардид

Сентябрь 3, 2019 16:05

ДУШАНБЕ, 03.09.2019./АМИТ «Ховар»/. Бо қарори Раиси шаҳри Душанбе Рустами Эмомалӣ Сарраёсати молияи шаҳр  вазифадор гардидааст, ки аз ҳисоби маблағҳои барои иҷрои вазифаҳои пойтахти Ҷумҳурии Тоҷикистон пешбинишуда  4  миллиону 945 ҳазору  800 сомонӣ ҷиҳати расонидани кумаки моддӣ, аз ҷумла 226 ҳазору 800   сомонӣ ба иштирокчиёну маъюбони Ҷанги дуюми ҷаҳонӣ, инчунин  шахсони ба онҳо баробар  ва   4 миллиону 719 ҳазор сомонӣ ба кормандони раёсатҳои истифодаи роҳҳои ноҳияҳои шаҳри Душанбе  ҷудо намояд. 

Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд,  ин иқдом  бо мақсади таҷлили сазовори  ҷашни 28-умин солгарди Истиқлолияти давлатии Ҷумҳурии Тоҷикистон  ва дастгирии шахсони ниёзманд роҳандозӣ гардидааст.

Раиси шаҳри Душанбе ҳамчунин  раисони ноҳияҳои Шоҳмансур, Исмоили Сомонӣ, Фирдавсӣ ва Синои пойтахтро вазифадор намудааст, ки дар таҷлили ҷашни 28-умин солгарди Истиқлолияти давлатии Ҷумҳурии Тоҷикистон аз ҳисоби сарпарастон, фондҳои хайрия ва дигар сарчашмаҳои маблағгузорӣ, дар доираи санадҳои меъёрии ҳуқуқӣ  ба тарбиятгирандагони мактаб-интернатҳо ва шахсони яккаву танҳо  кумаки моддӣ  расонанд.

Тибқи иттилои манбаъ, тақсимот ва супоридани маблағҳои зикршуда  аз ҷониби мақомоти иҷроияи ҳокимияти давлатии шаҳри Душанбе тавассути бахши муҳосиботи дастгоҳи Раиси шаҳри Душанбе дар ноҳияҳои пойтахт  то 7 сентябри соли равон  ба роҳ монда мешавад.

Ин кумак ба иштирокчиёну маъюбони Ҷанги дуюми ҷаҳонӣ ва шахсони ба онҳо баробар аз ҷониби муовинони Раиси шаҳри Душанбе  бо иштироки намояндагони мақомоти молияи шаҳри Душанбе ва кормандони раёсатҳои Агентии давлатии суғуртаи иҷтимоӣ ва нафақаи ноҳияҳои шаҳри Душанбе бо аёдати шахсӣ дар манзили истиқоматии онҳо  дастрас карда мешавад.

Ба кормандони раёсатҳои истифодаи роҳҳои ноҳияҳои шаҳри Душанбе  ин кумак дар вазъияти тантанавӣ аз ҷониби  муовинони Раиси шаҳри Душанбе бо иштироки намояндагони мақомоти молияи пойтахт супурда мешавад.

Сентябрь 3, 2019 16:05

Хабарҳои дигари ин бахш

«ДУШАНБЕ-ШАҲРИ ИМКОНОТИ РУШДИ САЙЁҲИИ УСТУВОР». Таҳти чунин унвон Рӯзи ҷаҳонии сайёҳӣ таҷлил гардид
ОСОРХОНАИ ТАЪРИХИИ ШАҲРИ ДУШАНБЕ. Ҳафт калиди тиллоии рамзии он ишора ба ҳафт шаҳри қаламрави имрӯзаи Тоҷикистон аст
Дар Душанбе 400 адад автобусҳои истеҳсоли муштараки Туркия ва Тоҷикистон ба сокинон хизмат мерасонанд
РӮЗИ ЗАБОНИ ДАВЛАТӢ. Дар Душанбе корҳои омодагӣ барои дар сатҳи баланд таҷлил намудани он оғоз шуданд
ТАВАҶҶУҲ! Аз буриши кӯчаи А.Навоӣ то роҳи дусатҳаи хиёбони Н.Махсуми пойтахт ҳаракати ҳама гуна воситаи нақлиёт муваққатан қатъ мегардад
ТАВАҶҶУҲ! Ҳаракати воситаҳои нақлиёт аз канали дериватсионии хиёбони Рӯдакӣ то хиёбони Ҳ. Шерозӣ манъ мегардад
Иҷлосияи ёздаҳуми Маҷлиси вакилони халқи шаҳри Душанбе, даъвати шашум баргузор мешавад
Дар Душанбе низоми пардохти электронии роҳкироро баррасӣ намуданд
Қарори Раиси шаҳри Душанбе дар бораи даъвати навбатии шаҳрвандони солҳои таваллуди 1995-2004 ба хизмати ҳарбӣ ба тасвиб расид
Сарвари давлат Эмомалӣ Раҳмон ба роҳбарияти шаҳри Душанбе барои бунёдкориҳо дар пойтахт изҳори миннатдорӣ намуданд
ИСТИҚБОЛ АЗ ИСТИҚЛОЛ. 9 сентябр дар чор ноҳияи шаҳри Душанбе барномаҳои фарҳангӣ-фароғатии бошукӯҳ доир мегарданд
ТАВАҶҶУҲ! 7-8 сентябр дар баъзе кӯчаву хиёбонҳои шаҳри Душанбе ҳаракати нақлиёт маҳдуд мегардад