Бозиҳои даври 16-уми Лигаи олии футболи Тоҷикистон ба анҷом расиданд
ДУШАНБЕ, 25.09.2019 /АМИТ «Ховар»/. Бозиҳои даври шонздаҳуми Чемпионати Тоҷикистон оид ба футбол миёни дастаҳои Лигаи олӣ баргузор шуданд. Дар ин бора шореҳи варзиши АМИТ «Ховар» Меҳрони Қурбон хабар медиҳад.
Бояд зикр кард, ки дар ин давр дастаи футболи «Хатлон»-и шаҳри Бохтар дар майдони худ бар дастаи «Панҷшер»-и Ҷалолиддин Балхӣ бо ҳисоби 4:0 ғалаба карда, бозии дастаҳои КМВА «Помир» бо «Куктош» бо ҳисоби мусовӣ (1:1) анҷом ёфт. Голҳои дастаи «Хатлон»-и Бохтарро Абдухалил Боронов (2 гол), Парвиз Охунов ва Умарҷон Шарифов ба ҳадаф расониданд. Ба голи задаи футболбози дастаи ноҳияи Рӯдакӣ Азизбек Султонов дар нимаи аввал артишиҳо тавассути Шодибек Ғаффоров дар нимаи дуюм ҷавоб доданд.
Нобарории дастаи «Куктош» сабаб шуд, ки дастаи «Хатлон» бо 22 хол аз 16 бозӣ ба ҷои сеюми ҷадвали чемпионат барояд.
Дар бозиҳои дигар дастаи футболи «Истиқлол» дар майдони худ ба дарвозаи дастаи «Истаравшан» 2 голи беҷавоб зад. Голҳоро Шериддин Бобоев ва Аҳтам Назаров ба ҳадаф расониданд. Дастаи «Хуҷанд» бар дастаи футболи «Регар-ТадАЗ» бо ҳисоби 1:0 пирӯз шуд. Голи ягонаро Турсуналӣ Рустамов ба нишон расонид.
| ДАСТАҲО | Б | Ғ | М | Б | Т/Т | Х | |
| 1 | «Истиқлол» (Душанбе) | 16 | 13 | 3 | 0 | 45-11 | 42 |
| 2 | «Хуҷанд» (Хуҷанд) | 15 | 8 | 2 | 5 | 26-16 | 26 |
| 3 | «Хатлон» (Бохтар) | 16 | 6 | 4 | 6 | 22-21 | 22 |
| 4 | «Куктош» (Рӯдакӣ) | 16 | 5 | 5 | 6 | 23-23 | 20 |
| 5 | «Регар-ТадАЗ» (Турсунзода) | 16 | 5 | 4 | 7 | 22-26 | 19 |
| 6 | КМВА «Помир» (Душанбе) | 16 | 5 | 4 | 7 | 16-22 | 19 |
| 7 | «Истаравшан» (Истаравшан) | 15 | 5 | 2 | 8 | 13-21 | 17 |
| 8 | «Панҷшер» (Ҷалолиддин Балхӣ) | 16 | 3 | 2 | 11 | 13-38 | 11 |
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
