Дар Душанбе дар натиҷаи садамаи нақлиётӣ ду ноболиғ ба ҳалокат расиданд
ДУШАНБЕ, 10.09.2019./АМИТ «Ховар»/. 8 сентябр, тахминан соати 20:50, дар сероҳаи хиёбони Исмоили Сомонӣ ва кӯчаи Варзишгарони шаҳри Душанбе (назди Маркази исмоилия) садамаи нақлиётӣ рух дод, ки дар натиҷаи он пиёдагардони ноболиғ, хонандагони МТМУ №25 Сиёвуши Зафар, соли таваллудаш 2004 (синфи 9) ва Аюб Муҳиддинзода, соли таваллудаш 2001 (синфи 11) ҷароҳатҳои вазнини ҷисмонӣ бардошта, ҳангоми интиқол ба беморхона дар роҳ ба ҳалокат расиданд.
Тавре аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд,
ронандаи мошини тамғаи «Хундай-Старекс» Ҷ. Эмомов ҳангоми ҳаракат дар кӯчаи И.Сомонии пойтахт, аз тарафи кӯчаи Сино ба самти кӯчаи Н.Ганҷавӣ, дар сероҳаи кӯчаи И.Сомонӣ-Варзишгарон ба мошини тамғаи «Мерседес-Бенс», ки таҳти идораи ронанда Фазлиддин Авлоқулови 29-сола қарор дошт, бархӯрдааст. Дар натиҷа мошини тамғаи «Мерседес-Бенс» самти ҳаракаташро тағйир дода, пиёдагардони номбаршударо пахш намудааст.
Айни ҳол Фазлиддин Авлиёқулов дар Беморхонаи Қарияи болои шаҳри Душанбе дар ҳолати вазнин қарор дошта, бистарӣ аст.
Аз рӯи қазияи мазкур парвандаи ҷиноятӣ оғоз гардида тафтиши он идома дорад.
Хотиррасон менамоем, ки ноболиғони фавтида фарзандони кормандони радиои «Садои Душанбе» ва Шабакаи аввали Тоҷикистон буда, дар бинои истиқоматии кормандони Кумитаи телевизион ва радио, ки дар кӯчаи Варзишгарони ноҳияи Исмоили Сомонии пойтахт воқеъ гардидааст, зиндагӣ мекарданд.
Боиси таассуф аст, ки бо вуҷуди пурзӯр намудани муҷозот барои ронандагони қоидавайронкун дар роҳҳо ва андешидани тадбирҳои муассир дар ин самт ҳанӯз ҳам ин масъала ташвишовар боқӣ мемонад. Дар роҳҳои мамлакат дар натиҷаи садамаҳои нақлиётӣ ба ҳалокат расидани шаҳрвандон зиёд ба қайд гирифта мешаванд.
Тибқи маълумоти ба дастомада, тақрибан давоми ду соли охир бар асари садамаҳои нақлиётӣ беш аз 700 нафар ба ҳалокат расида, зиёда аз ду ҳазор каси дигар маҷрӯҳ шудаанд. Тибқи иттилои таҳлилгарон, аксар вақт садамаҳои нақлиётӣ аз ҷониби ронандагони ҷавон, ки мошинро бо суръати баланд меронанд, ба вуқӯъ мепайванданд.
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
