Дар Рашт наҷотдиҳандагони зудамал кӯшиши суиқасд ба худкуширо пешгирӣ карданд

Сентябрь 17, 2019 10:55

ДУШАНБЕ, 17.09.2019 /АМИТ «Ховар»/. Кормандони наҷотдиҳии  зудамали  Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар минтақаи Рашт  бо истифода аз усулҳои самарабахши  кор  ба  ҷавоне, ки  қасди  худкушӣ дошт, кумак  расонида,  ҳаёти ӯро наҷот бахшиданд.

Тавре сардори маркази матбуоти Кумитаи мазкур Умеда Юсуфӣ зимни  шарҳи ин рӯйдод  ба АМИТ «Ховар»  иттилоъ дод,  тавассути занги телефон  ба   қисми  навбатдории  ноҳияи Рашт хабар доданд, ки як сокини 25-солаи деҳаи Сари Шухони Ҷамоати деҳоти Аскалони ноҳияи мазкур  дар соҳили дарёи Сурхоб қарор дошта, қасди   худкушӣ дорад.

«Фавран ба ҷойи ҳодиса навбатдорони гурӯҳи зудамали наҷотдиҳандагон  фиристода шуд. Ҳангоми расидан ба  макони ҳодиса  маълум  гардид,  ки ҷавони  зикршуда  дар  баландие қарор дошта, кӯшиши   ба дарё ҷаҳидан  дорад. Наҷотдиҳандагони Кумита вазъияти мавҷударо  фавран  мавриди омӯзиш қарор дода,  баҳри наҷоти ӯ   тадбири  муассир  андешиданд», — афзуд манбаъ.

Ба итттилои У.Юсуфӣ, наҷотдиҳандагон бо истифода аз усулҳои озмудаи  касбӣ –  ёфтани калимаҳои дуруст,  ки   барои ором кардани одам ва пешгирии ваҳм истифода   бурда мешаванд,  ҷавонро аз ҳолати парешониву  рӯҳафтодагӣ  ба худ оварданд. Дар натиҷа  мард наҷот ёфта, ба кормандони милитсияи ноҳияи Рашт супорида шуд. Маълум шуд, ки сабаби ба ин кор даст задани ҷавон бемории рӯҳии ӯ будааст.

 

 

Сентябрь 17, 2019 10:55

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд