Дастаи футболи «Истиқлол»-и Душанбе маротибаи ҳаштум дар Лигаи олӣ чемпиони Тоҷикистон шуд
ДУШАНБЕ, 30.09.2019 /АМИТ «Ховар»/. Дар даври ҳабдаҳуми Чемпионати Тоҷикистон оид ба футбол миёни дастаҳои Лигаи олӣ дастаи футболи «Истиқлол»-и Душанбе дар сафар дастаи «Кӯктош»-и ноҳияи Рӯдакиро бо ҳисоби калони 6:1 мағлуб кард. Пас аз ин муваффақият дастаи «Истиқлол» маротибаи ҳаштум дар Лигаи олӣ чемпион гардид. Дар ин бора шореҳи варзиши АМИТ «Ховар» Меҳрони Қурбон хабар медиҳад.
Қаблан дастаи футболи «Истиқлол»-и Душанбе солҳои 2010, 2011, 2014, 2015, 2016, 2017 ва 2018 соҳиби медалҳои тиллоии чемпионати Тоҷикистон гардида буд. Бо ин пирӯзиаш дастаи «Истиқлол» дар шумораи ҷоизаҳо аз дастаи «Регар-ТадАЗ»-и Турсунзода пеш гузашта, серҷоизатарин дастаи мамлакат гардид.
Бояд гуфт, ки дар ин даври мусобиқот бозиҳои дастаҳои футболи «Кӯктош»-и ноҳияи Рӯдакӣ ва «Истиқлол»-и Душанбе бо ҳисоби 1:6, Панҷшер»-и Ҷалолиддини Балхӣ бо дастаи «Хуҷанд»-и Хуҷанд бо натиҷаи 0:5, «Истаравшан»-и Истаравшан бо «Хатлон»-и Бохтар бо ҳисоби мусовӣ 1:1 анҷом ёфтанд. Дастаи футболи «Регар-ТадАЗ»-и Турсунзода КМВА «Помир»-и Душанберо бо ҳисоби 2:1 мағлуб намуд.
Лигаи олӣ. Даври 17-ум.
«Кӯктош» 1-6 «Истиқлол»
«Панҷшер» 0-5 «Хуҷанд»
«Истаравшан» 1-1 «Хатлон»
«Регар-ТадАЗ» 2-1 КМВА «Помир»
Ёдовар мешавем, ки дар бозиҳои даври шонздаҳуми Чемпионати Тоҷикистон оид ба футбол миёни дастаҳои Лигаи олӣ дастаи футболи «Хатлон»-и шаҳри Бохтар дар майдони худ бар дастаи «Панҷшер»-и Ҷалолиддин Балхӣ бо ҳисоби 4:0 ғалаба карда, бозии дастаҳои КМВА «Помир» бо «Кӯктош» бо ҳисоби мусовӣ (1:1) анҷом ёфт.
Голҳои дастаи «Хатлон»-и Бохтарро Абдухалил Боронов (2 гол), Парвиз Охунов ва Умарҷон Шарифов ба ҳадаф расониданд. Ба голи задаи футболбози дастаи ноҳияи Рӯдакӣ Азизбек Султонов дар нимаи аввал артишиҳо тавассути Шодибек Ғаффоров дар нимаи дуюм ҷавоб доданд. Нобарории дастаи «Кӯктош» сабаб шуд, ки дастаи «Хатлон» бо 22 хол аз 16 бозӣ ба ҷои сеюми ҷадвали чемпионат барояд.
Дар бозиҳои дигар дастаи футболи «Истиқлол» дар майдони худ ба дарвозаи дастаи «Истаравшан» 2 голи беҷавоб зад. Голҳоро Шериддин Бобоев ва Аҳтам Назаров ба ҳадаф расониданд. Дастаи «Хуҷанд» бар дастаи футболи «Регар-ТадАЗ» бо ҳисоби 1:0 пирӯз шуд. Голи ягонаро Турсуналӣ Рустамов ба нишон расонид.
Олимпиадаи ҷаҳонии шоҳмот дар Ченнайи Ҳиндустон анҷом ёфт
Ҳайати олимпии Тоҷикистон дар маросими ифтитоҳи Бозиҳои 5-уми ҳамбастагии исломӣ иштирок намуд
10 АВГУСТ-РӮЗИ ВАРЗИШГАРОНИ ТОҶИКИСТОН. Бахшида ба ин сана дар мамлакат Даҳаи мусобиқоти ҷумҳуриявӣ баргузор мегардад
ОЛИМПИАДАИ ШОҲМОТ. Дастаи мунтахаби Тоҷикистон пеш аз даври охирин дар раддабандии беҳтарин дастаҳои ҷаҳон дар ҷойи 65-ум қарор дорад
ЧЕМПИОНАТИ CAFA-2022. Тоҷикистон пас аз ду пирӯзӣ бо шаш имтиёз дар зинаи аввал аст
Дар нахустин Чемпионати минтақавии Осиёи Марказӣ оид ба бадминтон ҳайати дастаи мунтахаби Тоҷикистонро 12 нафар намояндагӣ мекунанд
Имрӯз дар Душанбе бозиҳои даври сеюми Чемпионати CAFA-2022 миёни дастаҳои мунтахаби ҷавонони то 19-сола доир мешаванд
ОЛИМПИАДАИ ШОҲМОТ ДАР ҲИНДУСТОН. Дастаи мардонаи Узбекистон дар ҷадвали мусобиқа пешсаф шуд, дастаи мунтахаби Тоҷикистон дар ҷои 77-ум қарор дорад
ДЗЮДО. Ҳафт нафар паҳлавонони ҷавони тоҷик дар Чемпионати ҷаҳон дар Эквадор ширкат меварзанд
АҲСАН! Сомон, Шодмон ва Темур аз Чемпионати Осиё оид ба гӯштини дзюдо бо медал бармегарданд
ТЕННИС. Ғолибони Мусобиқаи 12-уми байналмилалӣ барои дарёфти Ҷоми Президенти Ҷумҳурии Тоҷикистон муайян шуданд
ЧЕМПИОНАТИ CAFA-2022. Дастаи ҷавонони Тоҷикистон (U-19) мусобиқаро бо пирӯзии калон бар дастаи Афғонистон оғоз кард
