Духтарони футболбози тоҷик дар Чемпионати CAFA-2019 соҳиби медали биринҷӣ гардиданд

Сентябрь 17, 2019 14:00

ДУШАНБЕ, 17.09.2019 /АМИТ «Ховар»/.  16 сентябр  дар шаҳри Тошканди Ҷумҳурии Ӯзбекистон Чемпионати Ассотсиатсияи футболи Осиёи Марказӣ (CAFA) миёни дастаҳои мунтахаби   духтаронаи то 15-сола ба анҷом расид. Дар ин бора   шореҳи варзиши АМИТ «Ховар» Меҳрони ҚУРБОН бо истинод ба Федератсияи  футболи Тоҷикистон иттилоъ  медиҳад.  

Тибқи иттилои манбаъ, дар мусобиқаи мазкур дастаи мунтахаби  Тоҷикистон ҷои сеюмро ишғол намуда, бо медалҳои биринҷӣ мукофотонида шуд. Футболбоздухтарони мо дар чемпионати мазкур се бозӣ анҷом дода, дар як бозӣ ба муқобили дастаи Ӯзбекистон ғалаба карданд (2:0), дар ду бозӣ аз ҳамсолонашон аз Эрон (0:4) ва Қирғизистон (1:6) мағлуб гардиданд.

Дастаи мунтахаби Эрон, ки дар ҳар се бозӣ пирӯз шуд, ғолиби Чемпионати CAFA-2019 гардид. Медалҳои нуқра насиби дастаи мунтахаби Қирғизистон шуд, ки 6 хол ба даст овард.

Чемпионати CAFA-2019 миёни дастаҳои мунтахаби духтарони то 15-сола

Даври 1-ум
Эрон – ТОҶИКИСТОН – 4:0
Ӯзбекистон – Қирғизистон – 2:6

Даври 2-юм
ТОҶИКИСТОН – Ӯзбекистон – 2:0
Голҳо: Рухшона Файзуллоева, 2 (1:0). Рухшона Файзуллоева, 35+3 (2:0).
Қирғизистон – Эрон – 0:1

Даври  3-юм
ТОҶИКИСТОН – Қирғизистон – 1:6
Голи Тоҷикистон: Малика Қаюмова.
Ӯзбекистон – Эрон – 2:3

Сентябрь 17, 2019 14:00

Хабарҳои дигари ин бахш

ҶОМИ ОСИЁ ОИД БА ФУТЗАЛ. Имрӯз дастаҳои мунтахаби Тоҷикистон ва Баҳрайн бозӣ мекунанд
Дар Чемпионати ҷаҳон оид ба дзюдо дар Тошканд 9 паҳлавони тоҷик иштирок менамоянд
Варзишгарони тоҷик дар Чемпионати Осиёи Марказӣ оид ба варзиши сабук 8 медал ба даст оварданд
Тоҷикистон дар Мусобиқаи 48-уми байналмилалии «King’s Cup 2022» соҳиби ҷом ва медали тилло шуд
«KING’S CUP 2022». Имрӯз мунтахабҳои Тоҷикистон ва Малайзия дар финали мусобиқа рақобат мекунанд
Тоҷикистон дар даври ниҳоии мусобиқаи «King’s Cup 2022» бо дастаи мунтахаби Малайзия бозӣ мекунад
Дар Душанбе Фестивали «Рушди бозиҳои миллии варзишӣ — омили муҳими шинохти миллат» баргузор мешавад
Тоҷикистон баъди ғалаба бар дастаи мунтахаби Тринидад ва Тобаго ба финали мусобиқаи «King’s Cup 2022» роҳ ёфт
ФУТБОЛ. Дастаи мунтахаби Тоҷикистон бо Тринидад ва Тобаго дар Мусобиқаи байналмилалии «King’s Cup 2022» бозӣ мекунад
Варзишгарони тоҷик дар Чемпионати кушоди Осиёи Марказӣ оид ба варзиши сабук дар Узбекистон иштирок мекунанд
Варзишгари тоҷик Нурулло Алиев пас аз пирӯзӣ бар ҳарифаш ба UFC роҳхат ёфт
Ғолибони Мусобиқаи 9-уми байналмилалӣ оид ба гӯштини дзюдо барои дарёфти Ҷоми Президенти Тоҷикистон муайян шуданд